Цагдаагийн байгууллагад ашиглагдаж буй программ хангамжийн ашиглалт, isolution домэйн сүлжээ тохируулах, сүлжээ, кибер аюулгүй байдлыг хангах, хор хөнөөлтэй вирус илрүүлэх, цагдаагийн байгууллагад ашиглагдаж буй техник тоног төхөөрөмжийг таниулах, орчин үеийн техник технологийн чиг хандлага, хөгжил дэвшил,  арга зүйд алба хаагчдыг суралцуулах, чадавхжуулах зорилгоор цагдаа, дотоодын цэргийн анги, байгууллагын холбоо, мэдээллийн ахлах инженер, алба хаагчдад сургалт орж байна.

Сургалтаар “Удирдлагын арга барил, алба хаагчдын харилцаа хандлага, төлөвлөлт ба бүтээмж, ажлын цаг ашиглалт, процессын дахин инженерчлэлийн тухай ерөнхий ойлголт”, “Цагдаагийн байгууллагын үйл ажиллагаанд хиймэл оюун ухаан ашиглах”, “Яаралтай тусламжийн нэгдсэн “112” дугаарлалт” гэх нийт 15 төрлийн илтгэл, мэдээллийг хүргэлээ.

Мөн илтгэл бүрийн араас тухайн сэвдээр чөлөөт асуулт, хариулт явагдсан нь алба хаагчдад мэдлэгээ баталгаажуулах боломж олгосон юм. 

Сургалтад 86 алба хаагч хамрагдаж байгаа бөгөөд сургалт энэ сарын 22, 23-ны өдрүүдэд үргэлжилнэ.