Дундговь аймгийн цагдаагийн газар, Хүний эрийн Үндэсний Комиссын Дундговь аймаг дахь референт хамтран “Хүний эрхийн тухай ярилцъя” өглөөний уулзалт, хэлэлцүүлгийг “Эрүүл аюулгүй орчинд амьдрах эрхийн хэрэгжилт, нөхцөл байдал” сэдвээр энэ оны 04 дүгээр саын 23-ны өдөр зохион байгууллаа.

Хэлэлцүүлгийн үеэр "Хүний эрхийг хангах үндэсний тогтолцоо, Комиссын чиг үүрэг", "Зам тээврийн ослоос үүдсэн хүний эрхийн зөрчил, аймгийн төвийн авто замын тэмдэг, тэмдэглэгээний нөхцөл байдал, шийдвэрлэх арга зам", "Хүүхдийн тоглоомын талбайн нөхцөл байдал, шийдвэрлэх арга зам", "Золбин нохой, гэрэлтүүлгийн нөхцөл байдал, шийдвэрлэх арга зам" зэрэг сэдвээр мэдээлэл хүргэж, тулгамдсан асуудлын нөхцөл байдлыг сайжруулах зорилгоор холбогдох байгууллагатай хамтран санал бодлоо солилцож, шийдвэрлэх арга замыг хэлэлцэж, холбогдох байгууллагад зөвлөмж хүргүүлэхээр шийдвэрлэлээ.

Хэлэлцүүлэгт тус аймгийн Засаг дарга, Сайнцагаан сумын Засаг дарга, Хүүхэд, гэр бүлийн хөгжил, хамгааллын газар, Байгаль орчны газар, Хот тохижуулах газар болон ТББ-ын 25 алба хаагч оролцсон юм.