Цагдаа, дотоодын цэргийн байгууллагын ахлагч албан тушаалын сул орон тоог нөхөх, нөөц бүрдүүлэх зорилгоор “Цагдаа”, “Цагдаа жолооч”, “Хамгаалалтын ажилтан” сургалтад амжилттай хамрагдаж төгссөн сонсогчдод “Гэрчилгээ”, энгэрийн тэмдэг гардуулах гардуулах ёслолын үйл ажиллагаа өнөөдөр /2025.04.24/ Дотоод хэргийн их сургуулийн талбайд болов.

Ийнхүү цагдаа, дотоодын цэргийн байгууллагын офицер бүрэлдэхүүн 47, ахлагч бүрэлдэхүүн 267, нийт 314 алба хаагчаар эгнээгээ тэллээ.

Уг арга хэмжээнд Цагдаагийн ерөнхий газрын дарга, Дотоодын цэргийн командлагч, бригадын генерал Т.Сүхболд, Дотоод хэргийн их сургуулийн захирал, цагдаагийн хурандаа О.Зоригт болон алба хаагч, сонсогч, төгсөгчид оролцсон юм.

Цол, гэрчилгээ, энгэрийн тэмдгээ гардан авч, эх орон, төр, ард түмнийхээ амар амгаланг сахин хамгаалах хүндтэй бөгөөд хариуцлагатай албанд зүтгэхээр томилогдож буй төгсөгчдөдөө баяр хүргэж, ажилд нь амжилт, амьдралд нь аз жаргалын дээдийг хүсэн ерөөе .