Цагдаагийн ерөнхий газар, Нийслэлийн Иргэдийн төлөөлөгчдийн хурлын дэргэдэх Гэмт хэргээс урьдчилан сэргийлэх ажлыг зохицуулах салбар зөвлөл, Системийн инженерчлэлийн институт хамтран Нийслэлийн нутаг дэвсгэрт бүртгэгдэж байгаа хулгайлах гэмт хэргийн шалтгаан нөхцөлийг тодорхойлох, урьдчилан сэргийлэх ажлыг иргэд, олон нийтийн оролцоотойгоор шийдвэрлэх шийдэл боловсруулах зорилго бүхий “Хакатон” сургалт, хэлэлцүүлгийг энэ оны 04 дүгээр сарын 16,17-ны өдрүүдэд зохион байгуулагдаж байна.

Энэхүү хэлэлцүүлгээс шалгарсан шийдлийг нутаг дэвсгэрийн хэмжээнд туршин нэвтрүүлснээр хулгайн гэмт хэргийг шийдвэрлэлтийг түргэсгэх, урьдчилан сэргийлэх ажлын үр нөлөөг дээшлүүлэх, иргэдийн өмчийг хамгаалахад эерэг нөлөө үзүүлэх юм.

Сургалт, хэлэлцүүлэгт цагдаагийн байгууллагын 20 алба хаагч болон иргэдийн төлөөлөл хамрагдаж байна.