№

Үндэслэж байгаа бодлогын баримт бичиг

Төсөв

(сая төгрөгөөр)

Шалгуур үзүүлэлт

Суурь түвшин

Зорилтот түвшин /2024 он/

Хүрсэн түвшин буюу гүйцэтгэлийн хувь (хүрээгүй бол шалтгаан, нөхцөл тайлбар)

Он

Түвшин

            Зорилт 1.4.Үнэт зүйлийн судалгаа болон олон улсын монгол судлалын тэргүүлэх чиглэл болсон нүүдлийн соёл иргэншил, Монголын түүх, хэл соёл, ёс заншил, шашин, гүн ухааны судалгаа хийж, нийтийн хүртээл болгон хэвшиж, нийгмийн соён гэгээрлийг өндөр түвшинд хүргэнэ.

1.4.6.

Монгол хүний ёс суртахууны хэм хэмжээний талаарх судалгааг өргөжүүлэн хүүхэд залуус, төрийн албан хаагч, хууль, хүчний байгууллагын ажилтны ёс суртахууны нарийвчилсан судалгааг хийнэ.

-

Байгууллагын ажилтны ёс суртахууны нарийвчилсан судалгааны тоо

2021

1

       1

   Цагдаа, дотоодын цэргийн анги, байгууллагын хэмжээнд ёс суртахуун, ёс зүйн ойлголтыг тодруулах зорилгоор авах асуумжийн судалгааг 23 асуулттайгаар боловсруулан цахимаар авч, фокус бүлгийн ярилцлагыг нийт алба хаагчдын 15 хувь буюу 1800 алба хаагчаас авч, үр дүнд чанарын боловсруулалтыг 2024 оны 06 дугаар сард явуулж, алба хаагчдын фокус бүлгийн ярилцлагын асуулгыг боловсруулан 2024 оны 06 дугаар сарын 15-ны өдөр анги, байгууллагуудад хүргүүлэн, сэтгэл зүйчдээр фокус бүлгийн ярилцлагыг 1500 алба хаагчтай хийлгэн, дүнд чанарын боловсруулалтыг хийж байна.

Мөн ёс суртахуун, ёс зүйн олон талт мэдээллийг цуглуулах зорилгоор зөвлөн туслах, дэмжлэг үзүүлэх, ажилтан, алба хаагчидтай уулзалт зохион байгуулах ажил арга хэмжээний удирдамжийн хүрээнд хийгдэх сэтгэл хөдлөл мэдрэмж хуваалцах, гадагшлуулах Дебрифинг уулзалтын дараалал, сэтгэл зүйчдийн ажиллах хуваарийг боловсруулан 2024 оны 04 дүгээр сарын 05-ны өдөр батлуулан, хэрэгжилтийг “Байгууллагын сэтгэл судлаачдын хөгжлийн нийгэмлэг” төрийн бус байгууллагатай хамтран 2024 оны 08 дугаар сарын 20-ны өдрөөс 09 дүгээр сарын 25-ны өдрийг хүртэл хугацаанд 3674 алба хаагчийг хамруулан явуулж, үнэлгээ шинжилгээг 2024 оны 10 дугаар сарын 10-ны өдрийн хугацаанд боловсруулж, мэргэжилтэн бие хүний чухал чанарууд, түүнд тавигдах шаардлагыг тодорхойлж ажилласан.

 (Хэрэгжилт-100%)

Зорилт 5.4. Иргэндээ үйлчилдэг, мэргэшсэн, чадварлаг ил тод, үр нөлөөтэй, ухаалаг төрийн албыг төлөвшүүлнэ.

5.4.15

Төрийн үйлчилгээг иргэдийн хэрэгцээнд суурилсан, түргэн шуурхай, уян хатан, хүртээмжтэй, чанартай хүргэх иргэн төвтэй төрийн үйлчилгээний стандарт боловсруулж, нэвтрүүлнэ

-

Хууль тогтоомжийн хүрээнд зөвшөөрөл, жолоодох эрхийн үнэмлэх олгосон тоо

2021

152539

195057

    Тайлант хугацаанд төрийн үйлчилгээний нэгдсэн систем e-mongolia, e-busness болон цагдаагийн байгууллагын eis.police.gov.mn цахим системээр дамжуулан хүн, хуулийн этгээдээс зөвшөөрөл хүссэн материалыг хүлээн авч “Хувийн хамгаалалт /Бие хамгаалагч/-ын үйл ажиллагаа эрхлэх тусгай зөвшөөрөл” 20 иргэнд, галт зэвсгийн гэрчилгээ олгох, худалдан авах, ан агнах зорилгоор галт зэвсэг улсын хилээр оруулах, гаргахтай холбоотой 1664, тэсэрч, дэлбэрэх бодис, тэсэлгээний хэрэгслийг тээвэрлэх 236 тээврийн хэрэгсэлд зөвшөөрөл олгосон бол “Тээврийн хэрэгсэл жолоодох эрх олгох” зөвшөөрлийн чиглэлээр e-mongolia системээр Монгол Улсын жолоочийн үнэмлэх захиалах 79.371, олон улсын жолоочийн үнэмлэх захиалах 4.854 хүсэлт болон жолоодох эрхийн сургалт явуулах байгууллага болон биеэр ирж захиалга өгсөн хүсэлтүүдийг хүлээн авч 174.196 үнэмлэх хэвлэснээс 67042 ширхэгийг Монгол шуудан ХК-иар, 27.874 ширхэгийг төрийн үйлчилгээний нэгдсэн цэгээр, 79.280 ширхэгийг цагдаагийн байгууллагын үйлчилгээний танхимаар иргэдэд олгосон байна.

    Мөн Нью Компас ХХК-тай  энэ оны 04 дүгээр сарын 19-ний өдөр байгуулсан 11/24 дугаартай гэрээний дагуу 06 дугаар сарын 10-ны өдрөөс Баянзүрх, Сонгинохайрхан дүүргийн нутаг дэвсгэрт жолоодох эрхийн үнэмлэх хэвлэх автомат киоск машиныг 2 цэгт байршуулан нийт 5764 иргэн жолоодох эрхийн үнэмлэхийг иргэд хэвлэн авсан байна.

     Алдагдсан гар утасны мэдээлэл шалгах 20815, Галт зэвсэг эзэмших, өмчлөх эрхийн лавлагаа 15853, Дотоодын цэрэгт цэргийн жинхэнэ алба хаасан тухай тодорхойлолт 90, жолоочийн лавлагаа, мэдээлэл 354.672, галт зэвсгийн сургалтад хамрагдсан тодорхойлолт 59, иргэн, жолооч, авто тээврийн хэрэгслийн торгуулийн төлбөр төлөх 583.473, эрүүгийн хариуцлага хүлээж байгаа, байсан эсэх тухай тодорхойлолтыг нийт 1.060.909 иргэн, хуулийн этгээдэд И-Монголиа системээр дамжуулан олгосон байна.

(Хэрэгжилт-100%)

Зорилт 7.3.Уламжлалт бус аюулын эрсдэлийг бууруулах, эрсдэлээс урьдчилан сэргийлэх, таслан зогсоох чадавхыг бэхжүүлж, хүн-нийгмийн амар тайван орчныг бэхжүүлнэ.

7.3.1.

Дотоодын цэргийн хамгаалалтад шилжээгүй дулааны цахилгаан станц, зарим аймгийн төв болон хүн амын суурьшилд, иргэдийн хөдөлгөөний нягтаршилт ихтэй сумдын ус хангамжийн эх үүсвэрийн барилга байгууламжийг хамгаалалтад авч, иргэдийн аюулгүй амьдрах нөхцөлийг бүрдүүлнэ.

-

Хамгаалалтад авсан объект

(тоогоор)

2020 он

2

4

     Цэцэрлэг, Баянхонгор, Арвайхээр, Сайншанд, Мөрөн хотуудын хотын ус хангамжийн эх үүсвэрийн барилга, байгууламж, "Дарханы дулааны цахилгаан станц", "Дорнод бүсийн эрчим хүчний систем", "Эрдэнэтийн дулааны цахилгаан станц" зэрэг 8 барилга, байгууламжийн хамгаалалтыг дотоодын цэргийн хамгаалалтад авах Засгийн газрын 2024 оны 35 дугаар тогтоолыг гаргуулсан.

    Тогтоол гарсантай холбогдуулж, Дотоодын цэргийн командлагчийн энэ оны мн-1а/11 дүгээр тушаалаар Архангай, Өвөрхангай, Баянхонгор, Дорноговь, Хөвсгөл аймгуудад дотоодын цэргийн тусгай салбарыг байгуулж, Цэцэрлэг, Арвайхээр, Баянхонгор, Мөрөн хотын ус хангамжийн эх үүсвэрийн барилга байгууламж, Дархан, Эрдэнэт, Дорнод аймгийн дулааны цахилгаан станцыг дотоодын цэргийн хамгаалалтад бүрэн авсан.

   Мөн Налайх дүүргийн 5,6 дугаар хорооны нутаг дэвсгэрт байрлах Дээд эх үүсвэрийн гүний худаг, усан сан, Налайхын усан сангийн барилга байгууламжийн хамгаалалтыг 04 дүгээр сарын 10-ны өдрөөс Дотоодын цэргийн 836 дугаар салбарын хамгаалалтад шилжүүлсэн.

 “Чингис хаан” олон улсын нисэх буудлын ус хангамжийн эх үүсвэрийн барилга байгууламж, дулааны станцыг дотоодын цэргийн төсөвт хамгаалалтад авах, “Цагааннуур” чөлөөт бүсийн дотоодын цэргийн гэрээт хамгаалалтыг төсөвт хамгаалалтад, Дорноговь аймгийн нутаг дэвсгэрт байрлах Монголын газрын тосны үйлдвэр, Бор хөөврийн говийн ус хангамжийн эх үүсвэрийн объектуудыг хамгаалалтад авах холбогдох санал, танилцуулгыг Хууль зүй, дотоод хэргийн яаманд хүргүүлсэн.

/Хэрэгжилт-100%/

7.3.6

Үндэстэн дамнасан зохион байгуулалттай (эдийн засгийн, цахим гэмт хэрэг болон мансууруулах эм, сэтгэцэд нөлөөт бодисын хууль бус эргэлт, хүн худалдаалах гэх мэт) гэмт хэргээс урьдчилан сэргийлэх, тэмцэх үндэсний хөтөлбөрүүдийн хэрэгжилтийг хангаж, олон улсын хамтын ажиллагааг тогтмолжуулна.

-

Сургалтад хамрагдсан алба хаагчийн тоо

2023

10

50

   Мөнгө угаах, терроризмыг санхүүжүүлэхтэй тэмцэх чиглэлээр дотоод, гадаад улсад зохион байгуулагдсан цахим, болон танхимын 19 удаагийн сургалтад давхардсан тоогоор 287;

   Бүгд Найрамдах Солонгос Улсын засгийн газрын “Хөгжлийн албан ёсны буцалтгүй тусламж /ODA/” төслийн хэрэгжилтийн хүрээнд тус улсын Үндэсний Цагдаагийн Их Сургуулиас зохион байгуулсан “Тоон ул мөр бэхжүүлэх” сургалтад 18;

     БНСУ-ынҮндэсний цагдаагийн Их сургуульд 6;

    Монгол Улсын Засгийн газар болон Америкийн Нэгдсэн Улсын Төрийн департментын байгуулсан “Хүүхэд хамгааллын түншлэлийн компакт гэрээ”-ний хүрээнд “Хүн худалдаалах гэмт хэргийн  хохирогч төвтэй, хүүхдэд ээлтэй хэрэг хянан шийдвэрлэх ажиллагаа” сэдвээр орон даяар 21 аймаг,  Улаанбаатар хотын 9 дүүрэгт болон 10 удаагийн сургалтад 482;

     Цахимаар үйлдэгдэж буй хүн худалдаалах гэмт хэргийг илрүүлэх,  хянан шалгах ур чадварыг бэхжүүлэх нь төслийн хүрээнд “Нээлттэй эх сурвалжаас хайлт хийх OSINT-ын үндэс” сэдэвт 3 удаагийн сургалтад 8;

    АНУ-ын Мэриланд мужийн Балтимор хот дахь “Хүүхэд хамгааллын төв”-ийн мэргэжилтнүүд “Хүн худалдаалах гэмт хэргийн хохирогч хүүхэдтэй Форензик ярилцлага хийх” чадвартай сургагч багш бэлтгэх сургалтад 5, нийт 34 удаагийн сургалтад 806 алба хаагчийг хамруулсан.

/Хэрэгжилт-100%/

7.3.8

Нийслэл, орон нутгийн төвүүдэд гэмт хэрэг, зөрчлөөс урьдчилан сэргийлэх, таслан зогсоох зорилгоор хяналтын камерын нэгдсэн төв бий болгож, мэдээлэл, харилцаа холбоо, барилга байгууламжийн дэд бүтцийг орчин үеийн хэрэгцээ, шаардлагад нийцүүлэн хөгжүүлнэ.

-

Камерын нэгдсэн төв байгуулсан тоо

2020 он

-

10

Ажлын хэсгээс нутгийн захиргааны байгууллагатай хамтран “Теле камерын хяналтын нэгдсэн төв”, “Дэд төв” байгуулах болон камержуулахад шаардагдах 117.5[1] тэрбум (нийслэлд 87.9, орон нутагт 29.6) төгрөгийн зардлыг аймаг, дүүргийн иргэдийн төлөөлөгчийн хурлын тогтоол, захирамжаар 2024 оны төсөвт тусгуулж, батлуулсан.

     Нийслэл, дүүргийн хэмжээнд гудамж, зам, талбайд суурилуулсан болон аж ахуйн нэгж, байгууллагын гадна орчны хяналтын камеруудыг нэгтгэн зохион байгуулах, хяналт тавих чиг үүрэг бүхий “Теле камерын хяналтын нэгдсэн төв”-ийг Нийслэлийн Засаг даргын Тамгын газрын дэргэд, "Теле камерын хяналтын дэд төв”-үүдийг дүүргийн Засаг даргын Тамгын газрын дэргэд тус тус байгуулахаар шийдвэрлэж, нийслэлийн автозамын 176 уулзварыг бүрэн камержуулахад шаардагдах 80.1 тэрбум төгрөгийн санхүүжилтийг Нийслэлийн 2024 оны төсвийн хөрөнгөөр шийдвэрлэж, ажлын гүйцэтгэгчээр “Бодь-Электроникс” ХХК шалгарсан ба нийслэлийн 8 дүүрэгт дэд төвийг байгуулах ажлын гүйцэтгэл 90 хувьтай байна.

    Орон нутагт Архангай, Орхон, Өвөрхангай, Говь-Алтай, Ховд, Төв, Увс, Сэлэнгэ, Баян-Өлгий зэрэг 9 аймагт “Теле камерын хяналтын дэд төв”-ийг байгуулж, Нийслэл хотод Чингэлтэй дүүрэг үйл ажиллагааг хэвийн явуулж байна.

    Мөн Баянхонгор, Булган,  Дархан-Уул, Дорноговь, Дорнод, Сүхбаатар, Хөвсгөл, Хэнтий аймагт “Теле камерын хяналтын дэд төв”-ийн засвар болон тоног төхөөрөмж шилжүүлэх, угсралтын ажлын явц 20-90 хувьтай явагдаж байна.                                                          

/Хэрэгжилт-100%/

7.3.9

Гэрч, хохирогчийг хамгаалах тогтолцоог бэхжүүлж, мансууруулах бодис хэрэглэгч, донтогчид эрүүл мэндийн болон сэтгэл зүйн засал, нийгмийн тусламж үйлчилгээг үзүүлэх, урьдчилан сэргийлэх төвийг бий болгон олон нийтэд чиглэсэн нөлөөллийн ажлыг цогц байдлаар хэрэгжүүлнэ.

-

Нөлөөллийн ажил зохион байгуулсан тоо

2021

1

1

Энэ оны эхний 11 сарын байдлаар донтох эмгэгтэй хүмүүсийг сэтгэц нийгмийн сэргээн засах тусламж үйлчилгээнд хамруулж, дэмжих бүлгийг идэвхжүүлэх ажлын хүрээнд СЭМҮТ-д Шүүх сэтгэц эмгэг судлалын дүгнэлт гаргуулахаар 156 хэргийн 190 холбогдогчийг үзүүлж, дүгнэлт гаргуулан, тус газарт сайн дураар хандсан эрсдэлт бүлгийн 31 эцэг эхэд биечилсэн хэлбэрээр тусламж, зөвлөгөө өгч, 14 насанд хүрээгүй иргэнийг бүртгэл хяналтад авч, мансууруулах эм, сэтгэцэд нөлөөт бодисоос хамааралтай донтох эмгэгтэй 24 иргэнд зөвлөгөө, мэдээлэл өгч, 12 иргэнийг СЭМҮТ, Нийслэлийн эрүүл мэндийн газрын харьяа “Аддиктологийн төв”-д холбон зуучилж эрүүл мэндийн тусламж, үйлчилгээнд хамруулсан.   

7.3.10.

Улаанбаатар хотод төвлөрсөн, орон нутаг дахь цагдаагийн байгууллага бүрд стандартын шаардлага хангасан эрүүлжүүлэх байрыг үе шаттайгаар барьж ашиглалтад оруулна.

Улсын төсөв

126,9

Стандартын шаардлага хангасан эрүүлжүүлэх байр

(тоогоор)

2021

20

25

       Улсын хэмжээнд 1966-2021 оны хооронд ашиглалтад орсон 35  эрүүлжүүлэх, саатуулах байр үйл ажиллагаагаа явуулж байгаа ба “Эрүүлжүүлэх байрны ариун цэвэр, эрүүл ахуйн нөхцөл, эмнэлгийн үйлчилгээ, ерөнхий шаардлага” MNS5527:2019 стандарт хангаагүй 10  аймаг, сумын эрүүлжүүлэх, саатуулах байрууд үйл ажиллагаа явуулж байна.

    Архангай аймгийн цагдаагийн газрын 5.4 тэрбум, Баянхонгор, Дорнод аймгийн цагдаагийн газар эрүүлжүүлэх, саатуулах, баривчлах байрны 473.589.7 төгрөгийн өртөгтэй  барилга, өргөтгөл, засварын ажил дууссан.

Дархан-Уул аймгийн цагдаагийн газрын эрүүлжүүлэх, саатуулах, баривчлах байрны 400.900.0 төгрөгийн өртөгтэй засварын ажил энэ оны 10 сард эхлэн,  80%-тай явагдаж байна.

Цагдаагийн байгууллагын хэмжээнд хэрэгжүүлэх төсөл, арга хэмжээнд эрүүлжүүлэх, саатуулах, баривчлах байрны  засвар, зураг хийлгэх зардал болох 1.0 тэрбум төгрөгийг Цагдаагийн ерөнхий газрын 2025 оны төсөвт тусган баталж, дэмжлэг үзүүлэх тухай 01/780 дугаар албан бичгийг  энэ оны 10 дугаар сарын 02-ны өдөр Эдийн засаг, хөгжлийн яамд хүргүүлсэн.

/Хэрэгжилт-80%/

7.3.12.

Гэмт хэрэгтэй тэмцэх, нийтийн хэв журам хамгаалах шууд чиг үүрэг бүхий цагдаагийн алба хаагчдын ашиглах төхөөрөмжийг шинэчилж, сайжруулна.

2,876.4

/Улсын төсвөөс

9.1 тэрбум

Техник, тоног төхөөрөмжийн шинэчлэлд зарцуулсан хөрөнгө

(сая төгрөг)

2020

9,100.0

4.4 тэрбум

      Цагдаагийн алба хаагчдын ашиглах төхөөрөмжийг шинэчилж, сайжруулах чиглэлээр цагдаа, дотоодын цэргийн байгууллагын 2024 оны худалдан авах ажиллагааны төлөвлөгөөнд “Дархан-Уул аймгийн цагдаагийн газарт шаардлагатай тоног төхөөрөмж худалдан авах”, “Сүлжээний сувгийн түрээсийн үйлчилгээ үзүүлэгч байгууллагыг сонгон шалгаруулах”, “Интернет үйлчилгээ үзүүлэгч байгууллагыг сонгон шалгаруулах”, “Жолооны үнэмлэхийн бэлдэц  бэлтгэн нийлүүлэгчийг сонгон шалгаруулах”, “Компьютер, хэвлэгч бэлтгэн нийлүүлэгчийг сонгон шалгаруулах”, “Цагдаагийн байгууллагын мэдээллийн сүлжээний тусгай зориулалтын сервер, программ хангамж тоног төхөөрөмж худалдан авах”, “Цагдаа, дотоодын цэргийн байгууллагад полиграфын төхөөрөмж худалдан авах” “Цагдаа, дотоодын цэргийн байгууллагын алба хаагчдын энгэрийн камер болон автомашины камерыг шинэчлэх, 4G сүлжээнд холбон удирдлагын төвтэй шууд холбох серверийн тоног төхөөрөмж худалдан авах” “Цагдаагийн байгууллагын мэдээллийн аюулгүй байдлыг хамгаалах программ хангамж худалдан авах” /Endpoint/ зэрэг нийт 6,6 тэрбум төгрөгийн 9 төсөл арга хэмжээ тусгагдаж, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд заасны дагуу тендер шалгаруулалт зохион байгуулж, техник хэрэгсэл тоног төхөөрөмжийг хүлээн авч ЦЕГ-ын даргын баталсан хуваарийн нэгжүүдэд олгож шийдвэрлэсэн.

/Хэрэгжилт-100%/

7.3.13

Тусгай чиг үүрэг бүхий байгууллагууд болон хилийн боомтыг хар тамхи, мансууруулах бодис, сэтгэцэд нөлөөт эм бэлдмэлийг илрүүлэх орчин үеийн техник, тоног төхөөрөмжөөр бүрэн хангаж, түүхий эд (перкурсор)-д хяналт тавих чиг үүрэг бүхий бүтэц, нохойн сургалтын төв байгуулж, мэдээллийн нэгдсэн санг бий болгоно.

Улсын төсөв

1.7

Албаны нохойн тоног, хэрэгслийн шинэчлэлтийн хөрөнгө

(сая төгрөг)

2021

0

10.6 сая

    Цагдаа, дотоодын цэргийн сургалтын нэгдсэн төвд 41 албаны нохой ашиглаж байгаагаас 2 лабродар, 1 малиуна, 2 Белигийн малиноз, нийт 3 үүлдрийн 5 нохойг мансууруулах эм, сэтгэцэд нөлөөт бодис хэрэглэсэн этгээдийг таних, илрүүлэх чиглэлээр 2016 оноос эхлэн сургаж албанд ашиглаж байна.

     Цагдаагийн ерөнхий газрын даргын 2017 оны А/210 дугаар тушаалаар батлагдсан “Албаны нохой бэлтгэх, ашиглах, хамгаалах журам”-ын 5.13-д “Албаны нохойн тоног хэрэглэлийг 2 жилд нэг удаа олгоно” гэж заасны дагуу албаны  нохойд шаардлагатай 10,010,000 төгрөгийн үнэ бүхий 20 нохойн тоног хэрэглэлийг “Марс” дэлгүүрт захиалгаа өгч, худалдан авах 25/11 дугаартай гэрээг байгуулан худалдан авах ажиллагааг зохион байгуулсан.

/Хэрэгжилт-100%/

7.3.17

Инновацад суурилсан техник, технологийн шинэчлэлийг сайжруулж, кибер гэмт хэргээс хамааралтай цахим нотлох баримтыг бэхжүүлэх, үнэлэх, хиймэл оюун ухааныг ашиглах чадамжийг хөгжүүлж, энэ чиглэлээр олон улсын хамтын ажиллагааг өргөжүүлнэ.

-

Инновцаид суурилан ашиглаж байгаа программын тоо

2023

16

10

     Инновацад суурилсан техник, технологийн шинэчлэлийг сайжруулж, кибер гэмт хэргээс хамааралтай цахим нотлох баримтыг бэхжүүлэх, үнэлэх, хиймэл оюун ухааныг ашиглах чадамжийг хөгжүүлэх чиглэлээр тус газар нь 16 нэр төрлийн программ ажиллаж байсан бөгөөд өнөөдрийн байдлаар Passware, Cellbrite, Steller, Who is domain tools, MD-Next, MD-Red, Whireshark, Autospy, FTK, Мagnet axiom зэрэг 10 төрлийн программ хангамж үйл ажиллагаандаа ашиглаж байна.

     Энэ онд төхөөрөмжид, хэрэг мөрдөн шалгах эрх бүхий төрийн байгууллагаас ирүүлсэн 40 прокурорын даалгаварт заагдсан ажиллагааны хүрээнд 445 төхөөрөмжид үзлэг хийж 95.2 хувь буюу 424 төхөөрөмжөөс хэрэг бүртгэх мөрдөн шалгах ажиллагаанд чухал ач холбогдол бүхий тоон ул мөр, нотлох баримтыг бэхжүүлэн хүргүүлсэн.

    Мөн Тоон ул мөр илрүүлэх чиглэлд нэн шаардлагатай GMD soft компанийн тусгай зориулалтын программын ашиглалтын лицензийн хугацааг 2 жилээр сунгасан.

/Хэрэгжилт-100%/

7.3.18

Үндэстэн дамнасан зохион байгуулалттай гэмт хэргээс урьдчилан сэргийлэх, тэмцэх нэгжийн бүтэц, орон тоог өргөжүүлж, чадавхыг нэмэгдүүлэх, уг гэмт хэргийн улмаас хууль бусаар гадагш гарсан хөрөнгийг царцаах, буцаан авах талаар хоёр талт хамтын ажиллагааг хөгжүүлэх, сургалт, мэдээлэл солилцох арга хэмжээг үе шаттайгаар зохион байгуулна.

Улсын төсөв

44.15

Сургалтад хамрагдсан орон нутагт үүрэг гүйцэтгэдэг алба хаагчдын тоо

2023

-

50

    Монгол Улсын Засгийн газар болон Америкийн Нэгдсэн Улсын Төрийн департментын байгуулсан “Хүүхэд хамгааллын түншлэлийн компакт гэрээ”-ний хүрээнд “Хүн худалдаалах гэмт хэргийн  хохирогч төвтэй, хүүхдэд ээлтэй хэрэг хянан шийдвэрлэх ажиллагаа” сэдвээр орон даяар 21 аймаг,  Улаанбаатар хотын 9 дүүрэгт болон нэмэлтээр 10 сургалтыг зохион байгуулж нийт 785 алба хаагчийг сургаснаас нийт 482 Цагдаагийн алба хаагчид хамрагдсан.

   МҮОНТ-ийн “Цагийн хүрд” мэдээллийн хөтөлбөр нэвтрүүлгээр 2 удаа, байгууллагын цахим хаягаар 24 мэдээлэл, gogo.mn сайтад 1 удаа, ГХУСАЗАА-ны цахим хуудсанд 2 удаа тус тус видео нэвтрүүлэг бэлтгэж гаргасан.

   Цахимаар үйлдэгдэж буй хүн худалдаалах гэмт хэргийг илрүүлэх,  хянан шалгах ур чадварыг бэхжүүлэх төслийн хүрээнд “Нээлттэй эх сурвалжаас хайлт хийх OSINT-ын үндэс” сэдэвт сургалтад 3 удаа нийт 8 алба хаагчид хамрагдаж тусгай мэдлэг суралцсан.

    АНУ-ын Мэриланд мужийн Балтимор хот дахь “Хүүхэд хамгааллын төв”-ийн мэргэжилтнүүд “Хүн худалдаалах гэмт хэргийн хохирогч хүүхэдтэй Форензик ярилцлага хийх” чадвартай сургагч багш бэлтгэх сургалтад энэ оны 03 дугаар сарын 18-22-ны өдрүүдэд 5 алба хаагчид хамрагдсан.

/Хэрэгжилт-100%/

Зорилт 7.4. Хууль сахиулах салбарын хууль, эрх зүйн орчныг сайжруулан, бүтээн байгуулалтыг дэмжиж, ажиллах нөхцөлийг дээшлүүлж, мэргэшсэн чадварлаг хүний нөөцийг бэлтгэн өрсөлдөх чадварыг хөгжүүлнэ.

7.4.4.

Салбарын алба хаагчдын цалин, хөлсний нэмэгдлийг тухайн жилийн инфляцын өсөлт, өндөр хөгжилтэй орны ижил төрлийн байгууллагын түвшинд хүргэнэ.

-

Алба хаагчдын нийгмийн асуудалд зарцуулсан

зардлын хэмжээ

(сая төгрөг)

2020

243.0

тэрбум

363,707.2

тэрбум

  Засгийн газрын 2024 оны 03 дугаар сарын 27-ны өдрийн 128 дугаар “Төрийн албаны зарим албан тушаалын цалингийн хэмжээ, доод хэмжээг шинэчлэн тогтоох тухай” тогтоолоор энэ оны 04 дүгээр сарын 01-ний өдрөөс цагдаа, дотоодын цэргийн нийт алба хаагчдын цалинг 10 хувиар нэмэгдүүлэн олгож, шаардагдах 27.0 тэрбум төгрөгийг анги, нэгжүүдийн төсөвт нэмж хуваарилсан.

Мөн цагдаагийн албаны тухай хуулийн 86.2, 91.7 дахь хэсэг заасан үндэслэлээр, алба хаагчийн цагдаагийн албанд ажилласнаар тооцох хугацааг, төрийн тусгай алба хаасан хугацаанд оруулан цалингийн нэмэгдлийг энэ оны 06 дугаар сарын 01-ний өдрөөс олгож, шаардагдах 4.6 тэрбум төгрөгийг шийдвэрлэсэн.         

 /Хэрэгжилт-100%/

Яаралтай тусламжийн дуудлага, мэдээллийг хүлээн авах, ахмад настан, хөгжлийн бэрхшээлтэй болон бусад иргэнд үзүүлэх төрийн үйлчилгээг шуурхай, хүртээмжтэй болгож, цагдаа, онцгой байдал, шүүхийн шийдвэр гүйцэтгэх, эмнэлгийн түргэн тусламжийн байгууллагуудын харилцан хамтын ажиллагааны шуурхай байдлыг хангана.

-

Иргэний гар утасны камерын дүрсийг харж харилцах технологийг ашиглан дуудлага, мэдээлэл хүлээн авах

2023

101

150

    Яаралтай тусламжийн 101,105; 102; 103 тусгай дугаарын утсанд иргэн, хуулийн этгээдээс энэ оны 01 дүгээр сарын 01-ний өдрийн 05:00 цагаас энэ оны 11 дүгээр сарын 12-ны өдрийн 05:00 цагийн хооронд гал түймэр, гамшиг осол, гэмт хэрэг, зөрчил, эмнэлгийн яаралтай тусламжийн 819.859 дуудлага, мэдээллийг хүлээн авч, харьяа байгууллагуудад шуурхай дамжуулан ажилласан бөгөөд үүнээс иргэний гар утасны камерын дүрсийг харж, иргэнтэй харилцах технологи ашиглан гэмт хэрэг, зөрчлийн шинжтэй 160, гэр бүлийн хүчирхийлэлд өртсөн, утсаар ярих боломжгүй нөхцөл байдалд орсон иргэдээс богино зурвасаар 326, хаяг байршлаа мэдэхгүй байгаа иргэдээс  3 үгт хаягаар 85, хөгжлийн бэрхшээлтэй иргэдээс 637 дуудлага, мэдээлэл хүлээн авч, харьяа анги, байгууллагуудад тус тус дамжуулж, шуурхай удирдлага, зохицуулалтаар хангаж  ажилласан.

      Хөгжлийн бэрхшээлтэй иргэдээс дуудлага мэдээллийг хүлээн авах бусад боломжийг судалж, богино зурвас (sms)-аар дуудлага хүлээн авах программ хангамжийг 2019 онд боловсруулан сонсгол, хэл ярианы бэрхшээлтэй 2744 иргэний утасны дугаарыг бүртгэж, үйл ажиллагаанд нэвтрүүлсэн.

      Сонсгол, хэл ярианы бэрхшээлтэй иргэдээс яаралтай тусламжийн дуудлага, мэдээллийг гар утасны программ хангамж ашиглан хүлээн авах боломжийг бүрдүүлэх зорилгоор дуудлага, мэдээлэл өгч буй иргэний хувийн мэдээллийг баталгаажуулахад шаардагдах "Дан" системийг ашиглах гэрээг Цахим хөгжил, харилцаа холбооны яамтай энэ оны 03 дугаарын сарын 04-ний өдөр,  гар утасны аппликэйшн боловсруулах чиглэлээр “Hand Pro” компаний хамтран ажиллах гэрээг энэ оны 04 дүгээр сарын 24-ний өдөр тус тус байгуулж, гэрээний дагуу программын хөгжүүлэлт, туршилтыг гүйцэтгэж 11 дүгээр сарын 01-ний өдрийн байдлаар программ хангамжийн гүйцэтгэл 90 хувьтай, энэ оны 04 дүгээр улиралд багтаан нэвтрүүлэхээр ажиллаж байна.

        Ахмад настан, хөгжлийн бэрхшээлтэй иргэд, жирэмсэн эмэгтэйчүүдэд төрийн үйлчилгээг шуурхай, хүртээмжтэй хүргэх, “Хөгжлийн бэрхшээлтэй хүний эрхийн тухай хууль”-ийг хэрэгжүүлэх үүднээс тус албанаас “Тусламжийн хонх”-ийг санаачлан, төв, орон нутаг дахь цагдаа, дотоодын цэргийн анги байгууллагуудын үүдэнд байршуулах ажлыг үр дүнтэй зохион байгуулж, нэвтрүүлсэн.  

/Хэрэгжилт-100%/

7.4.6.

Салбарын алба хаагчдын дүрэмт хувцас, зэвсэг, тусгай хэрэгсэл, тусгай зориулалтын техник хэрэгслийн чанар, стандартыг судлан тогтоож, лаборатори, үйлдвэр байгуулна.

-

Техникийн шаардлагыг тодорхойлж стандартыг нэвтрүүлсэн тоо

2021

11

11

    Дүрэмт хувцасны материалд тавигдах техникийн 11 багц стандарт шаардлагыг 2021 онд баталж, 2022 онд Стандартчилал хэмжилзүйн газарт хүргүүлж, байгууллагын стандартаар бүртгүүлэн, үйл ажиллагаандаа мөрдөн ажиллаж байна. 

                            /Хэрэгжилт-100%/

7.4.7.

Салбарын автомашин, тусгай зориулалтын техник хэрэгслийн хангалтыг үе шаттайгаар шинэчилнэ.

-

Шинээр авсан тээврийн хэрэгслийн тоо

2023

11

-

    ХЗДХС-ын 2024 оны худалдан авах ажиллагааны төлөвлөгөөнд тусгагдсан нийт 740,0 сая төгрөгийн хөрөнгөөр Цагдаагийн байгууллагын үйл ажиллагаанд нэн шаардлагатай хүн тээврийн 5 ширхэг “Хьюндей Стариа” загварын автомашин, Баянзүрх дүүргийн Засаг даргын Тамгын газраас тус дүүргийн хөдөлгөөнт эргүүлийн автомашины тоог нэмэгдүүлэхэд 1,3 тэрбум төгрөгөөр “Киа Спортэйж” загварын 10 ширхэг автомашин худалдан авч, парк шинэчлэл хийсэн.

     Цагдаагийн байгууллагаас жил бүр гадаадын өндөр дээд хэмжээний зочин, төлөөлөгчдийн хамгаалалт, зохицуулалтыг олон улсын жишиг нийцсэн байдлаар зохион байгуулахад шаардлагатай 20 ширхэг “YAMAHA” загварын мотоцикл, хамгаалах иж бүрэн өмсгөлийг авахад шаардагдах 952,0 сая төгрөгийн хөрөнгийг ҮАБЗ-д танилцуулан шийдвэрлүүлж, ТЦА-ны хамгаалалт, зохицуулалтын үйл ажиллагаандаа нэвтрүүлсэн.

    Мөн “Урсгал зардал”-аас 5,0 тэрбум, цалингийн хэмнэлтээс 5,0 тэрбум төгрөг нийт 10,0 тэрбум төгрөгөөр туулах чадвар сайтай “Тоёота ланд круйзер” загварын 28, “Киа Спортейж” загварын 39 ширхэг, нийт 67 автомашиныг автомашинуудыг тус тус худалдан авах санхүүгийн түрээсийн гэрээг байгуулсан.

      Одоогийн байдлаар гэрээний дагуу 12 ширхэг автомашиныг бэлтгэн нийлүүлсэн ба үлдэгдэл 55 ширхэг автомашиныг энэ оны 12 дугаар сард, мөн НЗДТГ-ын 8 тэрбум төгрөгийн хөрөнгө оруулалтаар тусгай тоноглол бүхий 60 ширхэг хөдөлгөөнд эргүүлийн автомашин худалдан авахаар НЦУГ-т худалдан авах ажиллагаа зохион байгуулах эрх шилжүүлсний дагуу худалдан авах ажиллагаа зохион байгуулан гэрээний дагуу автомашинуудыг 12 дугаар сард тус тус бэлтгэн нийлүүлэхээр ажиллаж байна.

/Хэрэгжилт-100%/

7.4.31

Дараа үеийн суурин болон хөдөлгөөнт холбооны технологийн дэвшилд тулгуурласан цагдаа, дотоодын цэрэг, шүүхийн шийдвэр гүйцэтгэх байгууллагын үйл ажиллагааны онцлогт тохирсон харилцаа холбооны шийдлийг нэвтрүүлнэ.

-

Арга хэмжээний хэрэгжилт

(хувиар)

2020

0

50%

/судалгаа хийнэ/

     Хууль зүй, дотоод хэргийн сайдын 2021 оны А/237 дугаар тушаалаар байгуулагдсан “чиг үүрэг бүхий Дэд ажлын хэсэг”-ээс яамны харьяа агентлаг, тусгайлсан чиг үүрэгтэй байгууллага (ЦЕГ, ХХЕГ, ШШГЕГ, ШШЕГ)-уудын богино болон хэт богино долгионы радио холбоог шинэчлэхэд шаардлагатай 47.0 сая ам.долларын нэгдсэн тооцоо, судалгааг гаргаж, танилцуулгыг 2022 оны 03 дугаар сарын 11-ний өдөр Хууль зүй, дотоод хэргийн яамны Дэд сайд, Мэдээлэл, технологийн газрын дарга нарт хүргүүлсэн.

    Хууль зүй, дотоод хэргийн яамнаас Төрийн тусгай чиг үүргийн байгууллагуудын хэт богино долгионы радио станцуудыг шинэчлэх төслийг АНУ-ын Засгийн газрын буцалтгүй тусламжаар “Моторола сольюшн” компанитай хамтран хэрэгжүүлэхээр төлөвлөж, АНУ-ын Засгийн газраас 2022-2023 онд нийт 12.0 сая ам.долларын санхүүжилтийг шийдвэрлэсэн.

“Монгол Улсын хөгжлийн 2025 оны төлөвлөгөөний төсөлд 4.1.2.11-д.”Хууль зүй, дотоод хэргийн яамны харьяа төрийн тусгай байгууллагуудын харилцаа, холбооны систем, тоног төхөөрөмжүүдийг шинэчлэх төслийг хэрэгжүүлэх”-ээр тусгасан байна.

Дээрх буцалтгүй тусламжийн хүрээнд Улаанбаатар хотод үндсэн дэд бүтцийн суурийг 50.0 хувьтай байгуулж, цагдаагийн байгууллагын хэрэгцээт радио станцын 30.0 хувьд хангалт хийхээр төлөвлөсөн.

/Хэрэгжилтийг тооцох боломжгүй/

Зорилт 7.5.Төр, иргэн, хувийн хэвшлийн мэдээллийн бүрэн бүтэн, нууцлагдсан, хүртээмжтэй байдлыг баталгаажуулж, өрсөлдөх чадвар бий болгоно.

7.5.1

Үндэсний мэдээллийн дэд бүтцэд халдах халдлагыг илрүүлэх, таслан зогсоох чадавх бий болгож, кибер гэмт хэрэгтэй тэмцэнэ.

-

Кибер гэмт хэргийн илрүүлэлтийг ахиулах

2023

48.3

55

     Кибер гэмт хэрэгтэй тэмцэх газрын Шуурхай ажиллагааны хэлтэс нь 2023 оны 11 дүгээр сарын 03-ны өдрөөс 2024 оны 11 дүгээр сарын 13-ны өдрийг хүртэлх хугацаанд 10,173,612,690 төгрөгийн хохирол учирсан 1,736 дуудлага, мэдээлэл хүлээн авч, 827 дуудлага, мэдээлэлд мөнгөн дүнгийн 62.7 хувь буюу 6,381,801,597 төгрөгийн банкны дансны гүйлгээний шилжилт хөдөлгөөнд хязгаарлалт тогтоосон.  Цахим залилан мэхлэх гэмт хэргийн шинжтэй дуудлага, мэдээлэлд мөрдөн шалгах хойшлуулшгүй ажиллагаа явуулан, хөрөнгийн шилжилт хөдөлгөөнд хязгаарлалт тогтоон нийт 115 иргэний 1,984,138,733 төгрөгийн хохирол нөхөн төлүүлэн ажиллаж байна.

       Цагдаагийн ерөнхий газрын даргын баталсан “Хянамгай байя” арга хэмжээний хүрээнд Залилах гэмт хэргийн илрүүлэлт, шийдвэрлэлтийг ахиулж, зорилтот түвшинд хүргэх зорилготой “Хар сүлжээ” арга хэмжээг төлөвлөгөөг боловсруулж,      Цагдаагийн ерөнхий газрын Тэргүүн дэд даргаар батлуулан 2024 оны 09 дүгээр сарын 02-ны өдрөөс 12 дугаар сарын 03-ны өдрийн хугацаанд зохион байгуулсан байгаа бөгөөд залилах гэмт хэргийн илрүүлэлтийг 65 хүргэхээр зорилт дэвшүүлэн ажиллаж байна. Тус арга хэмжээний хүрээнд залилах 3207 хэргийн илрүүлэлт эхний 10 сарын байдлаар 42.9 хувьтай байна.

/Хэрэгжилт-90%/

7.5.2

Кибер аюулгүй байдлыг хангах эрх зүйн орчныг бүрдүүлж, хяналт шалгалтын тогтолцоог бэхжүүлж, кибер халдлага, зөрчлөөс урьдчилан сэргийлэх чадавхыг бэхжүүлж, төрийн албан хаагч, иргэдийн технологийн мэдлэг, инновацыг ашиглах чадавхыг дээшлүүлнэ.

Сургалтад хамрагдсан алба хаагчийн тоо

2023

10

25

    “Цахим орчинд үйлдэгдэж буй гэмт хэргийг илрүүлэх, шалган шийдвэрлэхэд анхаарах асуудал” сэдэвт сургалтыг зохион байгуулж 65, "Цахим орчинд үйлдэгдсэн гэмт хэргийн талаарх ойлголт, банк санхүүгийн ажилтнуудаас үйлдсэн гэмт хэргийн бодит жишээ” сэдэвт сургалтыг зохион байгуулж 85 алба хаагчийг тус тус хамруулсан. 

/Хэрэгжилт-100%/

7.5.3

Мэдээллийн технологийн судалгаа шинжилгээг өргөжүүлж, мэдлэгт суурилсан инновацын шинэ бүтээгдэхүүн үйлчилгээ, уян болон хатуу дэд бүтцийг хөгжүүлж, кибер аюулгүй байдлын чиглэлээр судалгаа, шинжилгээ хийдэг олон улсын ба бүс нутгийн байгууллагуудтай хамтын ажиллагааг өргөжүүлж, Монгол Улсын мэдээллийн аюулгүй байдлыг олон улсын түвшинд хүргэнэ.

-

Сургалтад хамрагдсан алба хаагчийн тоо

2023

10

25

    БНХАУ-ын Өвөр Монголын өөртөө засах орны Хөх хотод зохион байгуулагдсан “Цахим орчинд үйлдэгдэх гэмт хэрэгтэй тэмцэх, судалгаа дүн шинжилгээ хийх нь” сэдэвт сургалтад ЦЕГ-ын даргын 2023 оны А/353 дугаар тушаалаар 2023 оны 11 дүгээр сарын 30-ны өдрөөс 12 дугаар сарын 14-ний өдрүүдэд тус газрын 15 алба хаагч хамрагдсан.

       Мөн Бүгд Найрамдах Солонгос Улсын Засгийн газрын “Хөгжлийн албан ёсны буцалтгүй тусламж /ODA/” төслийн хүрээнд энэ оны 04 дүгээр сард цахим гэмт хэрэгтэй тэмцэх /тоон ул мөр бэхжүүлэх/ чиглэлээр БНСУ-д зохион байгуулагдах сургалтад 15 алба хаагч хамрагдсан.

Дэлхийн банкнаас Цахим хөгжил харилцаа холбооны яамтай хамтарч 04 дүгээр сарын 10, 12-ны өдрүүдэд зохион байгуулагдсан Онц чухал мэдээллийн дэд бүтцийн эрсдэлийн удирдлагын тогтолцоо, Zero trust architecture-ийн тухайн ойлголт, хэрэгжилт сэдэвт сургалтад 2 алба хаагч хамрагдсан.

      Олон улсын шилжилт хөдөлгөөний байгууллага, Монгол улсын гэмт хэргээс урьдчилан сэргийлэх ажлыг зохицуулах зөвлөл хамтран зохион байгуулагдсан “Нээлттэй эх сурвалжаас хайлт хийх Osint-ын үндэс” сэдэвт 3 үед шатаар зохион байгуулагдсан сургалтад 4 алба хаагч хамрагдсан.

     Үндэсний Батлан хамгаалах их сургуулийн Кибер аюулгүй байдлын сургалтын төвд “Кибер аюулгүй байдлыг хангах нь” сэдэвт сургалтад 2 алба хаагч 3 сарын хугацаанд хамрагдсан.

/Хэрэгжилт-100%/

7.5.6

Цахим мэдээллийн аюулгүй байдлын эмзэг байдлыг бууруулах, урьдчилан сэргийлэх, халдлагад хариу үйлдэл үзүүлэх чадавхыг бэхжүүлнэ,

-

Сургалтад хамрагдсан алба хаагчийн тоо

2023

2

40

    Монголын банкны холбооноос энэ оны 03 дугаар сарын 27-өдөр зохион байгуулсан Швейцарь улсын “NetGuardians” компани болон түүний Монгол дахь техникийн хамтрагч “Sync Systems” компанитай хамтран "GLOBAL FRAUD TRENDS-Detection & Prevention using AI & Machine Learning" сэдвийн хүрээнд олон улсын болон дотоодын луйвар залилангийн нөхцөл байдал, түүнээс сэргийлэх арга зам, “NetGuardians” компанийн "3D AI Payment Fraud Prevention” систем тухай ойлголт сэдэвт сургалтад тус газраас 32 алба хаагч хамрагдсан. 

     Мэдээлэл, дүн шинжилгээ шуурхай удирдлагын албаны Кибер аюулгүй байдлын хэлтсээс орж буй Мэдээллийн аюулгүй байдлын тухай ойлголт, өнөөгийн нөхцөл байдал, анхаарах асуудал сэдэвт сургалтад Тус газраас 10 алба хаагч хамрагдсан.

    Энэ оны 09 дүгээр сарын 18-ны өдөр Аюулгүй байдал судлалын хүрээлэнгийн судлаач Ц.Амарын хийсэн Системийн онолын талаарх 2 цагийн сургалтад 14 алба хаагч хамрагдсан.

/Хэрэгжилт-100%/

7.5.9

Кибер аюулгүй байдлын чиглэлээр судалгаа, шинжилгээ хийдэг олон улсын ба бүс нутгийн байгууллагуудтай хамтын ажиллагааг өргөжүүлж, Монгол Улсын мэдээллийн аюулгүй байдлыг олон улсын түвшинд хүргэнэ.

Сургалтад хамрагдсан алба хаагчийн тоо

2023

164

20

    Бүгд Найрамдах Солонгос Улсын Мэдээллийн технологийн олон улсын Сюнчунхян их сургуулийн Мэдээллийн системийн аюулгүй байдлын сургуультай санамж бичиг байгуулан хамтран ажиллаж эхэлсэн.

      Интерполын дэлхийн академи, Энэтхэг Улсын мөрдөх товчооны академитай хамтран зохион байгуулсан "Цахим орчин дахь хүүхдийн эсрэг хүчирхийлэл, бэлгийн мөлжлөг” сэдэвт цахим сургалтад 12 алба хаагч, Монголын банкнуудын холбооноос зохион байгуулсан “Олон улсын цахим залилангийн төрөл” сэдэвт сургалтад 15 алба хаагч хамрагдсан.

     Цахим мэдээлэл, дүн шинжилгээний хэлтсийн дарга, цагдаагийн дэд хурандаа Г.Ганболд энэ оны 10 дугаар сарын 29-ний өдрөөс 11 дүгээр сарын 01-ний өдрүүдэд БНСУ-д зохион байгуулагдах “Хууль сахиулах байгууллагуудын дундах мөрдөн шалгах ажиллагаа” сэдэвт олон улсын хуралд оролцсон.

      Үндэсний аюулгүй байдлын зөвлөл болон Эрүүгийн цагдаагийн албаны Кибер гэмт хэрэгтэй тэмцэх газар хамтран орчин үеийн дэвшилтэт "Хиймэл оюун ухаан" ашиглан үйлдэгдсэн цахим гэмт хэргийг илрүүлэх, алба хаагчдын мэргэжлийн ур чадварыг дээшлүүлэх зорилготой сорилго тэмцээнийг Нийслэлийн 7 дүүргийн 15 хэлтсийн эрүүгийн цагдаагийн тасгийн 64 алба хаагчид ур чадвараа сорин  6 үе шаттай даалгаврыг энэ оны 10 дугаар сарын 15-ны өдөр амжилттай зохион байгуулж үр дүнг танилцуулсан.

       Цахим мэдээллийн аюулгүй байдлын MNCERT/CC байгууллагын удирдлагатай кибер гэмт хэрэгтэй тэмцэх чиглэлээр хамтран ажиллах 5 төрлийн ажлын саналыг хамтран боловсруулж, сургалт зөвлөгөөн зохион байгуулж, 22 алба хаагчийг хамруулсан.

/Хэрэгжилт-100%/

7.5.10

Нийгмийн сүлжээ, цахим хуудас, телевизийн нэвтрүүлэг, нийтлэл хэлбэрээр дамжуулан олон нийтийн цахим мэдлэг боловсролыг дээшлүүлэн интернэтийн зохистой, соёлтой хэрэглээг нийтэд төлөвшүүлж, кибер орчинд хүний эрх, эрх чөлөөг хамгаалах чадавхыг бэхжүүлнэ.

-

Урьдчилан сэргийлэх богино хэмжээний шторк хийх

/тоогоор/

2023

29

29

      Цагдаагийн байгууллагаас албан ёсны сайтад энэ оны эхний 11 сарын байдлаар нийт 364 мэдээ, мэдээллийг бэлтгэн байршуулсныг давхардсан тоогоор 3.499.857 хүн үзсэн байна.

      Тус сайтын хандалтыг өнгөрсөн оны мөн үетэй харьцуулахад 36.4 хувиар өссөн эерэг үзүүлэлттэй байна.

       Мөн Нийтийн мэдээллийн ил тод байдлын тухай хуулийн хэрэгжилтийг хангах, байгууллагын үйл ажиллагааг сурталчлах, мэдээллийг нэг цонхоор түгээх чиглэлээр цагдаа, дотоодын цэргийн анги, байгууллагын веб сайтад мэдээллийг бэлтгэн байршуулах талаарх зөвлөмжийг боловсруулан 18/731, 02/226, 18/1505 дугаартай албан бичгээр, хүргүүлсэн.

        Цагдаагийн байгууллагын албан ёсны “Цагдаагийн ерөнхий газрын Хэвлэл мэдээллийн төв” гэх нэршил бүхий фэйсбүүк хуудаст цагдаа, дотоодын цэргийн байгууллага, алба хаагчийн үйл ажиллагаа, гэмт хэрэг зөрчлөөс урьдчилан сэргийлэх мэдээ-307, видео мэдээ-499 /рийл 273/, зурагт хуудас-340, 7 шууд дамжуулалт зэрэг нийт 1,229 мэдээлэл бэлтгэн цахим хуудаст байршуулсан нь 1,288,395 хэрэглэгч таалагдсан, 880,142 хэрэглэгч бусадтай хуваалцсан, 140,370 иргэн сэтгэгдэл илэрхийлж давхардсан тоогоор 135,859,313 хэрэглэгчийн хандалттай байна.

        Тайлангийн хугацаанд “X” платформд 319 мэдээ, мэдээллийг байршуулсан бөгөөд 490.400 твитер хэрэглэгчийн хандалттай байна

        Мөн энэ оны эхний 11 сарын байдлаар Цагдаагийн байгууллагын бодлого, үйл ажиллагаа, хууль тогтоомжийг сурталчлах, цаг үеийн нөхцөл байдлын талаар алба, нэгжүүдтэй хамтран нийт 25 удаагийн хэвлэлийн хурлыг зохион байгуулж давхардсан тоогоор 140 телевиз, 199 мэдээллийн сайт нийт 339 хэвлэл мэдээллийн байгууллага оролцож мэдээллийг шууд дамжуулалт, видео, бичвэр хэлбэрээр иргэдэд хүргэсэн нь давхардсан тоогоор 8.714.726 цахим хэрэглэгчдэд хүрсэн үзүүлэлттэй байна.

 /Хэрэгжилт-100%/

7.5.25

Үндэсний мэдээллийн дэд бүтцэд халдах халдлагыг илрүүлэх, таслан зогсоох чадавх бий болгож, кибер гэмт хэрэгтэй тэмцэнэ.

Бүртгэгдсэн халдлагын тоо

2021

-

-

Тайлант хугацаанд Үндэсний мэдээллийн дэд бүтцэд халдах гэмт хэргийн шинжтэй үйлдэл тогтоогдоогүй.

/Хэрэгжилт-100%/

Тайлбар: Цагдаагийн ерөнхий газрын үйл ажиллагаанаас шалтгаалсан  удаашрал байхгүй, оролцоогоо бүрэн хангаж, Үндэсний хороо, Дэд зөвлөл, Ажлын хэсэг, төслийн хариуцагчаас даалгасан ажил, үүргийг тухай бүр гүйцэтгэн ажиллаж байна.

Хэрэгжилтийн дундаж: 98.1%