Монгол Улсад орчин цагийн Зэвсэгт хүчин үүсэн байгуулагдсаны 104 жилийн ой, “Монгол цэргийн өдөр”-ийг угтан төрийн цэргийн болон хууль сахиулах байгууллагын удирдах бүрэлдэхүүний хамтын ажиллагааг бэхжүүлэх, нийтийн биеийн тамир, спортыг хөгжүүлэх зорилгоор “Бидний нөхөрлөл” өдөрлөг зохион байгуулагдаж байна.

Энэхүү өдөрлөгийн хүрээнд өнөөдрөөс эхлэн буудлага, биллиард, гар бөмбөг зэрэг спортын тэмцээн, уралдаан эхэллээ. Тэмцээнд төрийн цэргийн болон хууль сахиулах нийт 12 байгууллагын 180 гаруй удирдах албан тушаалтнууд хурд хүч, авьяас чадвар, эрч хүч, авхаалж самбаагаа сорин өрсөлдөж байна.

"Бидний нөхөрлөл" өдөрлөг энэ оны 03 дугаар сарын 13-14-ний өдрүүдэд үргэлжилнэ.

Тэмцээнд оролцож буй нийт баг тамирчид, удирдах албан тушаалтнууд та бүхэнд амжилт хүсье.