Мэдээлэл, шуурхай удирдлагын төвийн алба хаагч, ажилтан, өсвөр насны хүүхдүүдэд цэрэг, эх оронч үзэл төлөвшүүлэх, цагдаагийн байгууллагын үйл ажиллагааг сурталчлан таниулах, ёс зүй, бие бялдар, сэтгэл зүйн өв тэгш хүмүүжил, ирээдүйн мэргэжлийн чиг баримжаа олгох зорилго бүхий “Бидний бахархал” сэдэвт сургалтыг энэ оны 01 дүгээр сарын 13-ны өдөр зохион байгууллаа.

Сургалтад 12-17 насны 80 гаруй хүүхдүүд хамрагдсан бөгөөд “Эх оронч үзэл, Кибер аюулгүй байдал”, “Амьд гарах арга ухаан”, “Хүүхдийн эрхийн тухай хуулийн ойлголт үзэл баримтлал, мэргэжил сонголт” зэрэг сэдвээр сургалт зохион байгуулсан юм.

Энэхүү сургалтыг Монгол Улсын Ерөнхийлөгч, Зэвсэгт хүчний ерөнхий командлагч У.Хүрэлсүхийн зөвлөх бригадын генерал Д.Баасандамба, Зэвсэгт хүчний 084 дүгээр хороо Террорист үйл ажиллагааны батальоны захирагч, хошууч Б.Энхжаргал, ахмад ажилтан, цагдаагийн хурандаа, доктор профессор Ю.Бадамханд нар удирдаж, сургалтад амжилттай хамрагдсан хүүхэд, залууст “Батламж” гардуулав.