Цагдаагийн ерөнхий газрын дарга, Дотоодын цэргийн командлагчийн 2024 оны А/116 дугаар тушаалаар жил бүрийн 12 дугаар сарын 11-ний өдрийг “Ахлагчийн тэмдэглэлт өдөр” болгон тэмдэглэн өнгөрүүлэхээр шийдвэрлэсний дагуу "Ахлагчийн тэмдэглэлт өдөр"-ийг зохион байгуулав.

Тус өдрийг тохиолдуулан энэ оны 12 дугаар сарын 10-ны өдөр нийт ахлагч бүрэлдэхүүнийг үүрэгт ажлаас нь чөлөөлж, офицерууд үүрэг гүйцэтгэсэн юм.

Тэмдэглэлт өдрөөр гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилд үр дүн гарган ажиллаж байгаа 2 алба хаагчийг Цагдаагийн газрын “Баярын бичиг”, мөнгөн шагналаар шагнаж урамшууллаа.

Ахлагч нарын дунд гар бөмбөгийн тэмцээн зохион байгуулж, 6 баг оролцсоноос цагдаагийн дэд ахлагч Д.Бат-Оюун ахлагчтай баг тэргүүн байр, цагдаагийн дэд ахлагч М.Мөнхтөмөр ахлагчтай баг дэд байр тус тус эзэллээ.