Монгол Улсын Ерөнхийлөгчийн санаачилгаар архи, согтууруулах ундааны зохисгүй хэрэглээнээс  үүдэлтэй  хүн амын эрүүл мэнд, нийгмийн аюулгүй байдал, эдийн засагт үзүүлэх сөрөг нөлөөллийг бууруулах, Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн хэрэгжилтийг хангах зорилгоор зохион байгуулсан “Та-татгалз” ерөнхий арга хэмжээний хүрээнд зохион байгууллагдсан "Парламентын мэтгэлцээн", “Видео шторк”, “Зурагт хуудас”-ны уралдаанд амжилттай оролцсон оюутнуудад шагнал гардуулах арга хэмжээг өнөөдөр /2023.12.26/ Монгол Улсын Ерөнхийлөгчийн Тамгын газар, Хууль зүй, дотоод хэргийн яам, Нийслэлийн Иргэдийн Төлөөлөгчдийн хурал, Монголын Оюутны холбоотой хамтран зохион байгууллаа.

Энэхүү арга хэмжээнд Монгол Улсын Ерөнхийлөгчийн Тамгын газрын ажлын албаны дарга О.Чимэдцэрэн, Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Н.Лхагвасайхан, Нийслэлийн цагдаагийн удирдах газрын Дэд бөгөөд Нийтийн хэв журам хамгаалах, олон нийтийн аюулгүй байдлыг хангах газрын дарга, цагдаагийн хурандаа Б.Оюутболд, Монголын оюутны холбооны нарийн бичгийн дарга Б.Мягмарсүх нар оролцсон юм.

Парламентын мэтгэлцээний төрөл:

“Нэгдүгээр” байрт СЭЗИС, ШУТИС-ийн хамтарсан “ACDC” баг

“Хоёрдугаар” байрт МУИС-ийн “ХМ” баг

“Гуравдугаар” байрт ШУТИС, МУИС-ийн хамтарсан “Best 1” баг

“Дөрөвдүгээр” байрт ДХИС-ийн “Academy” баг

Видео шторкын тэмцээнд:

“Нэгдүгээр” байрт “Сити” сургуулийн “Times” баг

“Хоёрдугаар” байрт АШУҮИС-ийн “Mars club” баг

“Гуравдугаар” байрт МҮИС-ийн оюутан Б.Батхишиг, Т.Энх-Орчлон

“Дөрөвдүгээр” байрт АШУҮИС-ийн оюутан Б.Бат-Ундрал

“Тавдугаар” байрт ШУТИС-ийн “Must Comedy” баг

Зурагт хуудсын тэмцээнд:

“Нэгдүгээр” байрт МУИС-ийн оюутан Э.Мөнхболор

Тусгай байрт  СУИС-ийн оюутан Д.Мөнхцэцэг

Тусгай байрт СУИС-ийн оюутан Н.Мөнгөнцоож

Тусгай байрт МУИС-ийн оюутан Л.Билгүүн

Тэмцээн, уралдаанд амжилттай оролцсон нийт оюутан, залуусдаа амжилт хүсье!