Санхүү, ар талын албаны 2023 оны үйл ажиллагааны тайлангийн хурал, шагнал гардуулах арга хэмжээ өнөөдөр /2023.12.22/ Нийслэлийн цагдаагийн удирдах газрын хурлын танхимд зохион байгууллаа.

Арга хэмжээнд ХЗДХЯ-ны Санхүү, хөрөнгө оруулалтын газрын хэлтсийн дарга З.Отгонбаяр, ЦЕГ-ын Захиргааны удирдлагын газрын дарга, цагдаагийн хурандаа Х.Нямдаваа, Санхүү, ар талын албаны дарга, цагдаагийн хурандаа Д.Батчулуун, тус албаны “Ахмад зөвлөл”-ийн дарга Ц.Янсанжав болон Цагдаагийн төв байгууллагын харьяа алба, нэгж, Нийслэлийн цагдаагийн удирдах газрын санхүү, аж ахуй, барилга, инженер, техникийн ажил хариуцсан алба хаагч, ажилтан нар оролцлоо.

Тайлангийн хурлыг ЗУГ-ын дарга, цагдаагийн хурандаа Х.Нямдаваа нээж, Цагдаагийн ерөнхий газрын дарга, Дотоодын цэргийн командлагчаас ирүүлсэн баярын мэндчилгээг дэвшүүлэв.

Арга хэмжээний үеэр 2023 онд Цагдаа, дотоодын цэргийн байгууллагаас дэвшүүлсэн зорилт, хуулиар хүлээсэн үүргээ нэр төртэй биелүүлж, бусдыгаа манлайлан ажилласан алба хаагч, ажилтан, хамт олныг шагнаж урамшууллаа.

Санхүү, ар талын албаны “Ажил мэргэжлийн аварга” ажилтнаар:

-Санхүү, ар талын албаны Хангамжийн  хэлтсийн ахлах мэргэжилтэн, цагдаагийн дэд хурандаа Г.Баялагмаа

-Автобаазын Ашиглалтын хэлтсийн цагдаа жолооч, цагдаагийн ахлах ахлагч Г.Базарсүрэн

-“Сүүж-Уул” амралт, сувиллын цахилгаанчин А.Гантүгж

-Хангалт, үйлчилгээний төвийн нярав, цагдаагийн ахлагч А.Самдан

-Завхан аймгийн Захиргааны удирдлагын тасгийн ахлах нягтлан бодогч, цагдаагийн ахлах дэслэгч Л.Жанчивдорж

-Баянхонгор аймгийн Цагдаагийн газрын Захиргааны удирдлагын тасгийн аж, ахуйн ажилтан цагдаагийн ахлах дэслэгч Б.Пүрэвсүрэн

-“Тэргүүний хамт олон”-оор: Цагдаагийн дэд хурандаа М.Хүдэрбаатар даргатай Хангамжийн хэлтсийн хамт олон шалгарч шагналаа гардан авлаа.

Мөн алба хаагч, ажилтан нараас Сангийн яамны “Нягтлан бодох бүртгэлийн тэргүүний ажилтан” 2, “Санхүү, банкны тэргүүний ажилтан” цол, тэмдгээр 1, Сангийн яамны “Жуух” бичгээр 3, Санхүү, ар талын албаны “Хүндэт тэмдэг”-ээр 3, “Баярын бичиг”-ээр 7, Нийслэлийн “Тэргүүний ажилтан” цол, тэмдгээр 2 алба хаагч шагнагдсаныг гардуулав.

Шагнагдсан алба хаагчдад баяр хүргэж, ажлын өндөр амжилт хүсч, ирж буй шинэ оны, шинэ жилийн баярын мэнд хүргэе!