Мэдээлэл, дүн шинжилгээ, шуурхай удирдлагын албаны 2023 оны тайлангийн хурал, сахилга, ёс зүйн зөвлөгөөн өнөөдөр /2023.12.21/ зохион байгуулагдаж, Цагдаагийн ерөнхий газрын Дэд дарга, цагдаагийн хурандаа Т.Ганзориг, тус албаны дарга, цагдаагийн хурандаа П.Батбаатар зөвлөлийн гишүүд болон албаны алба хаагчид оролцлоо.

Хуралд энэ онд хийж гүйцэтгэсэн ажил, арга хэмжээ, ололт амжилтаа дүгнэн ирэх онд хэрэгжүүлэх ажлаа хэлэлцэж, ажил хөдөлмөрөөрөө хамт олноо хошуучлан ажилласан алба хаагчдаа шагнаж, урамшууллаа.

Мэдээлэл, дүн шинжилгээ, шуурхай удирдлагын албаны Ажил, мэргэжлийн аварга “Жижүүрийн офицер”-оор Нийслэлийн цагдаагийн удирдах газрын Шуурхай удирдлагын хэлтсийн жижүүрийн ахлах офицер, цагдаагийн ахлах дэслэгч О.Чинбат;

Ажил, мэргэжлийн аварга “Мэдээллийн технологи, харилцаа холбооны инженер”-ээр Завхан аймгийн цагдаагийн газрын Шуурхай удирдлагын тасгийн холбоо, мэдээллийн ахлах инженер, цагдаагийн хошууч Г.Батболд;

Ажил, мэргэжлийн аварга “Статистик мэдээлэл, дүн шинжилгээ, судалгааны ажилтан”-аар Увс аймгийн цагдаагийн газрын Шуурхай удирдлагын тасгийн мэдээлэл, судалгааны ахлах мэргэжилтэн, цагдаагийн хошууч М.Одхүү;

Ажил, мэргэжлийн аварга “Жижүүрийн цагдаа”-гаар Баянзүрх дүүргийн цагдаагийн газрын гуравдугаар хэлтсийн Шуурхай удирдлагын тасгийн жижүүрийн цагдаа, цагдаагийн сургагч ахлагч Г.Мөнхбаяр;

Ажил, мэргэжлийн аварга “Мэдээлэл хүлээн авагч”-аар Мэдээлэл, шуурхай удирдлагын төвийн Шуурхай удирдлагын хэлтэс /102/-ийн мэдээлэл хүлээн авагч, цагдаагийн ахмад Г.Түвшинжаргал;

Ажил, мэргэжлийн аварга “Үйлчилгээний ажилтан”-аар Мэдээлэл, шуурхай удирдлагын төвийн Захиргааны удирдлагын хэлтсийн сантехникийн засварчин Б.Даваасамбуу;

“Тэргүүний нэгж, хамт олон” -оор цагдаагийн дэд хурандаа С.Болдбаяр даргатай  Мэдээлэл, шуурхай удирдлагын төвийн  Техник ашиглалтын хэлтэс тус тус шалгарсан.

Мөн Монгол Улсын Засгийн газрын шагнал “Мэдээлэл, харилцаа холбооны тэргүүний ажилтан” хүндэт тэмдгээр 1, Цахим хөгжил, харилцаа холбооны яамны “Хүндэт жуух”-аар 2, Харилцаа холбооны зохицуулах хорооны “Хүндэт жуух”-аар 2, Цагдаагийн ерөнхий газрын “Цагдаагийн гавьяа” тэмдгээр 1, “Хүндэт жуух”-аар 2, албаны “Баярын бичиг”-ээр 22 алба хаагч тус тус шагнагдсаныг гардуулан өглөө.

Шагнагдсан алба хаагчдадаа баяр хүргэж, ажлын өндөр амжилт, эрүүл энх, сайн сайхан бүхнийг хүсэн ерөөе!