Хүний эрхийг хангах, алба хаагчдын харилцаа хандлагыг дээшлүүлэх зорилгоор “Цагдаагийн алба хаагчийн мэргэшсэн байдал ур чадварыг дээшлүүлэх” сургалтын хөтөлбөрийн дагуу цагдаагийн байгууллагын удирдах 100 алба хаагчдад зориулсан сургалтыг энэ оны 12 дугаар сарын 12-ны өдөр Цагдаагийн ерөнхий газрын хурлын зааланд зохион байгууллаа.

Сургалтыг нээж Цагдаагийн ерөнхий газрын Дэд дарга, цагдаагийн хурандаа Т.Ганзориг үг хэлэв.

Хөтөлбөрийн дагуу “Хуульч ажиллагаа ба хүний эрх” сэдвээр Монгол Улсын Их сургуулийн Хууль зүйн сургуулийн багш, доктор Б.Гүнбилэг, “Харилцаа хандлага” сэдвээр Шинжлэх ухаан технологийн их сургуулийн сэтгэл судлалын багш, доктор (Ph.D), дэд профессор Д.Цогзолмаа, “Цагдаагийн алба хаагчийн сэтгэл хөдлөл” сэдвээр гэр бүл судлаач, доктор Г.Наранбаатар, “Хэвлэл, мэдээлэл олон нийттэй харилцахад анхаарах асуудал” сэдвээр Арслан.мн сайтын эрхлэгч Ч.Энхтамир, “Жагсаал цуглааны үед гүйцэтгэх цагдаагийн байгууллагын үйл ажиллагаа” сэдвээр Нийслэлийн цагдаагийн удирдах газрын Дэд бөгөөд Нийтийн хэв журам хамгаалах газрын дарга, цагдаагийн хурандаа Б.Оюутболд нар онол, практикт суурилсан сургалт зохион байгууллаа.

Сургалтад хамрагдсан нийт алба хаагчдад амжилт хүсье!