Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит төрийн цэргийн болон хууль сахиулах байгууллагуудын алба хаагчдын ёс зүй, бие бялдрын бэлтгэлжилтийн түвшин тогтоох гуравдугаар шатны үзлэг гурав дахь өдрөө Хужирбулан дахь Зэвсэгт хүчний сургалтын төвд үргэлжилж байгаа юм.

Төрийн цэргийн болон хууль сахиулах чиглэлийн мэргэжлийн төв байгууллагын хурандаа ба түүнээс дээш зэрэглэл бүхий албан тушаалд ажиллаж буй ахлах, дээд офицерууд сэтгэл зүй, ёс зүйн байдал, цэргийн дүрмийн мэдлэг, биеийн зохистой харилцааны үзлэгт, бие бялдрын бэлтгэлжилтийн үзлэгт хамрагдаж байна.