Олон улсын цагдаа эмэгтэйчүүдийн холбоо /LAWP/-ноос жил бүр зохион байгуулдаг “Олон улсын цагдаагийн эмэгтэй алба хаагчдын хурал” /IWPC-International women police conference-2023/ Шинэ Зеланд Улсын Аукланд хотод энэ оны 09 дүгээр сарын 17-21-ний өдрүүдэд зохион байгуулагдсан юм.

Энэхүү хурал нь олон улсын цагдаагийн байгууллагын уялдаа холбоо, хамтын ажиллагааг нэмэгдүүлэх, жендерийн тэгш байдлыг дээшлүүлж, удирдлагын манлайлалд эмэгтэйчүүдийн оролцоог нэмэгдүүлэх зорилготой билээ.

Хуралд олон улсын цагдаагийн 75 байгууллагын 800 гаруй удирдах түвшний эмэгтэй алба хаагчид оролцсон бөгөөд хийж, хэрэгжүүлсэн ажлаараа шалгарсан манлайлагчдыг шагнаж урамшуулсан, туршлага, мэдлэг, мэдээлэл, санал солилцсон байна.

Уулзалтад цагдаагийн байгууллагын эмэгтэй алба хаагчдын төлөөлж, Нийслэлийн цагдаагийн удирдах газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн дарга, цагдаагийн дэд хурандаа П.Болормаа, Мөрдөн байцаах албаны Хүүхдийн эсрэг болон хүүхдээс үйлдсэн гэмт хэрэг мөрдөх хэлтсийн ахлах мөрдөгч, цагдаагийн хошууч Н.Амарзаяа, Өвөрхангай аймгийн цагдаагийн газрын Мөрдөн байцаах тасгийн дарга, цагдаагийн хошууч Э.Өлзийжаргал нар оролцов.