Цагдаагийн байгууллагаас их, дээд болон коллеж, ерөнхий боловсролын сургууль, цэцэрлэгийн 2023-2024 оны хичээлийн шинэ жил эхэлсэнтэй холбогдуулан хүүхдийг гэмт хэрэг, зөрчил, зам тээврийн осол хэргээс урьдчилан сэргийлэх зорилгоор “Хичээл эхэллээ” арга хэмжээг энэ оны 08 дугаар сарын 25-ны өдрөөс эхлэн зохион байгуулж байгаа юм.

Энэхүү аяны хүрээнд өнөөдөр /2023.09.01/ Нийслэлийн ерөнхий боловсролын сургуулиудаар цагдаагийн алба хаагчид тусгай хөтөлбөрийн дагуу ажиллаж, “Хүүхэд хамгаалагч”, “School police”, Хамтарсан багийнхан хүүхдийг төөрөх, зам тээврийн ослоос урьдчилан сэргийлэх мэдээ, мэдээлэл өгч ажиллалаа.

Мөн энэ үеэр Тээврийн цагдаагийн алба, Цагдаагийн ерөнхий газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсээс “Хүүхдийн эрх гэж юу вэ?”, Сургуулийн орчин дахь зам тээврийн ослоос урьдчилан сэргийлэх нь” сэдвийн хүрээнд дунд болон бага ангийн сурагчдад мэдээлэл хийлээ.

Нийт багш, сурган хүмүүжүүлэгч, Монгол Улсын ирээдүй болсон хүүхэд багачууд, оюутан сурагч та бүхэндээ хичээлийн шинэ жилийн мэнд хүргэе!