Монгол Улсын Ерөнхийлөгч, Зэвсэгт хүчний ерөнхий командлагчийн нэрэмжит төрийн цэргийн болон хууль сахиулах байгууллагуудын “Шилдэг офицер” шалгаруулах уралдаан энэ оны 08 дугаар сарын 24-26-ны өдрүүдэд Дотоод хэргийн их сургууль болон Хужирбулан дахь Зэвсэгт хүчний сургалтын төв, Чингэлтэй дүүргийн Хайрхан хөгжлийн төвд тус тус амжилттай зохион байгуулагдлаа.

Энэхүү уралдаанд төрийн цэргийн болон хууль сахиулах 10 байгууллагын 80 алба хаагч Эсээ бичлэг, Сэтгэл хөдлөлийн оюун ухааны чадамж, Цэргийн дүрэм, Гадаад хэлний мэдлэг, Илтгэх ур чадвар, Буудлага, Багаар ажиллах чадвар, Бие бялдрын бэлтгэлжилтийн төрөлд хурд хүч, тэсвэр тэвчээр, оюун ухаан, мэдлэг, ур чадвараа сорьсон юм.

Уралдаанд цагдаа, дотоодын цэргийн байгууллагын алба хаагчид амжилттай оролцож, сэтгэл хөдлөлийн оюун ухааны чадамж сорих тэмцээний эрэгтэй төрөлд “Дэд байр”-т: Тээврийн цагдаагийн албаны ахлах мэргэжилтэн, цагдаагийн хошууч Т.Анхбаяр;

“Гутгаар байр”-т: Баянзүрх дүүргийн цагдаагийн газрын Хоёрдугаар хэлтсийн ахлах мэргэжилтэн, цагдаагийн ахмад О.Төр-Од;

Эмэгтэй төрөлд “Тэргүүн байр”-т: Дотоодын цэргийн 05 дугаар ангийн сэтгэл зүйч, дэслэгч О.Энхмарал;

“Дэд байр”-т: Нийслэлийн цагдаагийн удирдах газрын Мөрдөн шалгах газрын мөрдөгч, цагдаагийн ахлах дэслэгч Б.Алтанцэцэг;

“Гутгаар байр”-т: Мэдээлэл, дүн шинжилгээ, шуурхай удирдлагын албаны Мэдээлэл, шуурхай удирдлагын төвийн инженер, цагдаагийн ахлах дэслэгч Г.Чимэдноров;

Эсээ бичлэгийн эрэгтэй төрөлд “Гутгаар байрт”: Баянзүрх дүүргийн цагдаагийн газрын Хоёрдугаар хэлтсийн ахлах мэргэжилтэн, цагдаагийн ахмад О.Төр-Од;

Эмэгтэй төрөлд “Дэд байр”-т: Мөрдөн байцаах албаны мөрдөгч, цагдаагийн дэслэгч Б.Болортунгалаг;

Бие бялдрын бэлтгэлжилт болон Буудлагын тэмцээний эмэгтэй төрөлд Дотоодын цэргийн 05 дугаар ангийн Соён гэгээрүүлэх ажил хариуцсан мэргэжилтэн, дэслэгч Ц.Мөнхчимэг тус тус “Гутгаар байр”-т шалгарлаа.

Тэмцээнд амжилттай оролцсон нийт алба хаагчдынхаа цаашдын ажил, хөдөлмөрт амжилт хүсье.

Та бүхний мөр ариун, үйлс гэгээн байг!