“Цагдаа, дотоодын цэргийн алба хаагчдын өдөр”-ийг тохиолдуулан Цагдаагийн албаны болон Дотоодын цэргийн байлдааны туганд хүндэтгэл үзүүлэх, тангараг давтах үйл ажиллагаа Төв цэнгэлдэх хүрээлэнд ёслол төгөлдөр болж өнгөрлөө.

Ёслол хүндэтгэлийн үйл ажиллагаа “Хүчит бөх”-ийн барилдаанаар үргэлжилж, цагдаа, дотоодын цэргийн байгууллагын 128 бөх уран мэх, хүч бяраа сорьсон юм.

Ийнхүү хүчит бөхийн барилдаанд хүч, бяр нь тэгширсэн Тусгай ажиллагааны газрын бүлгийн ажилтан, цагдаагийн ахлах дэслэгч Э.Даваажаргал түрүүлж, Сонгинохайрхан дүүргийн цагдаагийн газрын Хоёрдугаар хэлтсийн эрүүгийн мөрдөгч, цагдаагийн ахлах дэслэгч С.Мөнхбат үзүүрлэв.

Та бүхэнд баяр хүргэж, ажлын амжилт хүсье!