Төрийн албаны тухай хууль, Эрүүл мэндийн тухай хууль, Цагдаагийн албаны тухай хууль, Дотоодын цэргийн тухай хууль, Засгийн газрын тогтоол болон бусад хууль тогтоомжийг хэрэгжүүлэхэд хамтран ажиллахаар Цагдаагийн ерөнхий газар, Төрийн тусгай алба хаагчдын нэгдсэн эмнэлэг хооронд хамтран ажиллах “Санамж бичиг” байгууллаа.

Хамтран ажиллах “Санамж бичиг” байгуулах арга хэмжээ өнөөдөр /2023.07.05/ Цагдаагийн ерөнхий газарт зохион байгуулагдаж, Цагдаагийн ерөнхий газрын Дотоод аюулгүй байдлын газрын дарга, цагдаагийн хурандаа Д.Манлайбаатар, Төрийн тусгай алба хаагчдын нэгдсэн эмнэлгийн захирал, дэд хурандаа Х.Бат-Ирээдүй болон холбогдох алба хаагч, албан тушаалтнууд оролцлоо.

Энэхүү санамж бичигт тусгагдсан “ЭРҮҮЛ МЭНД-ЭРХЭМ БАЯЛАГ” хөтөлбөр гурван жилийн хугацаанд үргэлжлэх бөгөөд цагдаа, дотоодын цэргийн анги, байгууллагын алба хаагч, ажилчдын эрүүл зан үйлийг төлөвшүүлэх, сургалт явуулах, халдварт бус өвчнийг илрүүлэх, ажлын нөхцөл, шөнийн ээлжийн ажилчдын дунд хооллолт, нойргүйдлийн түвшнийг тодорхойлох, урьдчилан сэргийлэх үзлэгээр илэрсэн өвчлөлийг нарийн мэргэжлийн эмч нарын дүгнэлт гарган хэвтэн эмчлүүлж эрүүлжүүлэн дүнг тооцох зорилготой юм.