Дотоодын цэргийн тухай хуульд заасан үндсэн чиг үүргийг хэрэгжүүлэх, албаны хэрэгцээ, шаардлагад нийцсэн мэргэжлийн боловсон хүчин, түүнийг бэлтгэж буй сургалтын тогтолцооны өнөөгийн байдалд дүн шинжилгээ хийж, тулгамдсан асуудлыг тодорхойлох, шийдвэрлэх арга замын талаар санал, зөвлөмж боловсруулах зорилгоор “Дотоодын цэргийн боловсон хүчин, сургалтын өнөөгийн байдал, тулгамдсан асуудал, шийдвэрлэх арга зам” эрдэм шинжилгээний хурлыг зохион байгууллаа.

Эрдэм шинжилгээний хурлыг нээж, Дотоодын цэргийн штабын Дэд бөгөөд Ажиллагааны удирдлагын газрын дарга, хурандаа Н.Мөнх-Итгэл алба хаагчдад амжилт хүсэв.

Монгол Улсад Дотоодын цэргийн дээд боловсролтой хүний нөөц бэлтгэж эхэлсний 20 жилийн ойн хүрээнд зохион байгуулагдаж буй энэхүү эрдэм шинжилгээний хурал өнөөдөр /2023.05.30/ Дотоод хэргийн их сургуульд амжилттай зохион байгуулагдсан юм.

Энэхүү хуралдаанаар Дотоодын цэргийн боловсон хүчний өнөөгийн байдал, чиг хандлага, Дотоодын цэргийн алба хаагчийг сургаж, бэлтгэж ирсэн түүхэн хөгжил, Дотоодын цэргийн албаны сургалт бэлтгэлийн тогтолцооны тулгамдаж буй асуудал, шийдвэрлэх арга зам, Дотоодын цэргийн алба хаагчдын боловсролын түвшин, түүнд хийсэн дүн шинжилгээ, Дотоодын цэрэгт алба хааж буй хугацаат цэргийн алба хаагчийн сургалт бэлтгэлийн өнөөгийн байдал, сайжруулах арга зам, Дотоодын цэргийн ахлагч бүрэлдэхүүний албаны сургалт бэлтгэлийн өнөөгийн байдал, сайжруулах арга зам, Дотоодын цэргийн офицер бүрэлдэхүүний албаны сургалт бэлтгэлийн өнөөгийн байдал, сайжруулах арга зам сэдвийн хүрээнд хэлэлцлээ.

“Дотоодын цэргийн боловсон хүчин, сургалтын өнөөгийн байдал, тулгамдсан асуудал, шийдвэрлэх арга зам” эрдэм шинжилгээний хуралд оролцсон нийт алба хаагчдын цаашдын ажил, хөдөлмөрт өндөр амжилт хүсье!