Сүхбаатарын болон Байлдааны гавьяаны улаан тугийн одонт Цагдаагийн албаны туг, Сүхбаатарын болон Цэргийн гавьяаны улаан тугийн одонт Дотоодын цэргийн байлдааны туганд хүндэтгэл үзүүлэх, “Цагдаагийн тангараг” давтах ёслолын арга хэмжээ өнөөдөр /2023.05.27/ Завхан аймгийн Улиастай сумын төв Генералуудын талбайд зохион байгуулагдлаа.

Энэхүү ёслолын ажиллагаанд Цагдаагийн ерөнхий газрын даргын зөвлөлийн гишүүн, Мөрдөн байцаах албаны дарга, цагдаагийн хурандаа Н.Мишигдорж, Цагдаа, дотоодын цэргийн ахмадын хорооны дэд дарга, Хошууч генерал М.Ганболд, Цагдаа, дотоодын цэргийн ахмадын хорооны гишүүн, цагдаагийн хурандаа Д.Цог, Завхан аймгийн Засаг даргын Тамгын газрын дарга Г.Мягмарсүрэн, Цагдаагийн газрын дарга, цагдаагийн дэд хурандаа Н.Отгонжаргал, Тосонцэнгэл сумын сум дундын Цагдаагийн хэлтсийн дарга, цагдаагийн дэд хурандаа Б.Гүнчин-Иш, Улиастай сумын Засаг дарга Ч.Наранбаатар, Засаг даргын Тамгын газрын Хууль, эрх зүйн хэлтсийн дарга У.Батдаваа, Шүүхийн тамгын газрын дарга Х.Дорждэрэм, Аймгийн Прокурорын газрын ерөнхий прокурорын орлогч прокурор, хууль цаазын итгэмжит зөвлөх Ч.Энхжаргал, Цагдаагийн газрын ахмадын зөвлөлийн дарга, цагдаагийн дэд хурандаа С.Мөнхбаяр, Тагнуулын ерөнхий газрын Завхан аймаг дахь газрын дарга, хурандаа Р.Арсланбаатар, Цэргийн штабын дарга, хурандаа Г.Үнэнбаяр, Зэвсэгт хүчний 325 дугаар ангийн захирагч, хурандаа Б.Батжаргал, Онцгой байдлын газрын дарга,  хурандаа Ө.Болд, Шүүхийн шийдвэр гүйцэтгэх газрын дарга, хошууч Л.Баасансүрэн,  Гэр бүл хүүхэд залуучуудын хөгжлийн газрын дарга Х.Онолбаатар, Улсын бүртгэлийн хэлтсийн дарга Ж.Сүхбаатар, Завхан аймгийн гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга Г.Амарсайхан, Цагдаагийн газрын ахмад ажилчид, Улиастай сумын ард иргэд, төрийн алба хаагчид, Цагдаагийн газрын дэргэдэх “Цэцэн шонхор” клубын хүүхдүүд оролцсон юм.

Монгол Улсад Дотоодын цэрэг үүсч хөгжсөний 100 жилийн ойн хүндэт тэмдгээр Завхан аймгийн Засаг даргын тамгын газрын дарга Г.Мягмарсүрэн, Цэргийн штабын дарга, хурандаа Г.Үнэнбаяр нарыг тус тус шагнав.