Алба хаагчдын албаны бэлэн байдлыг хангах, чөлөөт цаг завыг зөв боловсон өнгөрүүлэх, хөдөлгөөний дутагдлаас сэргийлэх зорилгоор цагдаа, дотоодын цэргийн байгууллагын 2023 оны “Киокушинкай карате”-ийн аварга шалгаруулах тэмцээнийг өнөөдөр /2023.05.26/ зохион байгуулж байна.

Тэмцээнийг Цагдаагийн ерөнхий газрын Тусгай ажиллагааны газраас зохион байгуулж байгаа бөгөөд тэмцээнд цагдаа, дотоодын цэргийн 23 анги, байгууллагын 62 тамирчин -80 кг, +80 кг жингийн ангилалд хурд хүч, авхаалж самбаагаа сорин өрсөлдөж байгаа юм.

“Киокушинкай карате”-ийн аварга шалгаруулах тэмцээний нээлт “Хүч” спорт хорооны зааланд болж, нээлтэд Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Н.Лхагвасайхан, Тусгай ажиллагааны газрын Дэд бөгөөд Ажиллагааны хэлтсийн дарга, цагдаагийн дэд хурандаа Т.Нямсайхан, "Монголын Киокушинкай карате"-ийн холбооны тэргүүн Д.Чинзориг болон баг, тамирчид оролцлоо.

Тэмцээнд оролцож буй тамирчдадаа амжилт хүсье!