Сүхбаатарын болон Байлдааны гавьяаны улаан тугийн одонт Цагдаагийн албаны туг, Сүхбаатарын болон Цэргийн гавьяаны улаан тугийн одонт Дотоодын цэргийн байлдааны туганд хүндэтгэл үзүүлэх, “Цагдаагийн тангараг” давтах ёслолын арга хэмжээ өнөөдөр /2023.05.25/ Баян-Өлгий аймгийн Өлгий сумын төв Монгол Улсын баатар М.Икейн нэрэмжит төв талбайд зохион байгуулагдав.

Энэхүү ёслолын ажиллагаанд Цагдаагийн ерөнхий газрын даргын зөвлөлийн гишүүн, Мөрдөн байцаах албаны дарга, цагдаагийн хурандаа Н.Мишигдорж, Цагдаа, дотоодын цэргийн Ахмадын хорооны дэд дарга, хошууч генерал М.Ганболд, Цагдаа, дотоодын цэргийн Ахмадын хорооны гишүүн, цагдаагийн хурандаа Д.Цог, Баян-Өлгий аймгийн Засаг дарга А.Камелият, Иргэдийн төлөөлөгчдийн хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Ш.Хабыл, Цагдаагийн газрын дарга, цагдаагийн дэд хурандаа Ө.Танат, аймгийн Засаг даргын Тамгын газрын дарга Б.Мухамед, Засаг даргын Тамгын газрын Хууль, эрх зүйн хэлтсийн дарга Ө.Хуралай, Аймгийн Прокурорын газрын ерөнхий прокурор, хууль цаазын шадар зөвлөх Ш.Баасандорж, Цагдаагийн газрын ахмадын зөвлөлийн дарга, цагдаагийн дэд хурандаа Х.Бакен, Зэвсэгт хүчний 331 дугаар ангийн захирагч, дэд хурандаа Х.Золжаргал, Хилийн цэргийн 0165 дугаар ангийн захирагч, хурандаа Р.Эрдэнэтогтох, Хилийн цэргийн 0285 дугаар ангийн захирагч, дэд хурандаа Б.Хүрэлсүх, Онцгой байдлын газрын дарга, дэд хурандаа З.Азат, Шүүхийн шийдвэр гүйцэтгэх газрын дарга, дэд хурандаа Н.Бат-Эрдэнэ, Зэвсэгт хүчний 325 дугаар ангийн 116 дугаар тусгай салбарын захирагч, ахмад Г.Хосбаяр, Шүүх шинжилгээний хэлтсийн дарга, цагдаагийн дэд хурандаа О.Чулуун, Гаалийн газрын дарга Ш.Чухалбуян, Зэвсэгт хүчний 340 дүгээр ангийн Штабын дарга, хошууч Б.Ууганжаргал, Гадаадын иргэн, харьяатын газрын Баян-Өлгий аймаг дахь хэлтсийн дарга Г.Батцэцэг болон Баян-Өлгий аймгийн цагдаагийн газар, Дотоодын цэргийн 829 дүгээр /гэрээт/ тусгай салбарын бие бүрэлдэхүүн, ахмад настнууд, тэдний гэр бүл, үр хүүхэд, төрийн цэргийн болон хууль сахиулах байгууллагын алба хаагчид, Өлгий сумын ард иргэд, хилчин хүүхдүүд, бяцхан цагдаа нар оролцлоо.

Монгол Улсад Дотоодын цэрэг үүсч хөгжсөний 100 жилийн ойн хүндэт тэмдгээр Баян-Өлгий аймгийн Засаг дарга А.Камелият, Зэвсэгт хүчний 331 дугаар ангийн захирагч, дэд хурандаа Х.Золжаргал, “Монгол цагдаа медаль”-иар Цагдаагийн газрын ахмад ажилтан, цагдаагийн хошууч М.Сакен, Т.Тилеген, О.Асылбек нарыг тус тус шагнаж урамшуулсан юм.