Сүхбаатарын одонт ба Байлдааны гавьяаны улаан тугийн одонт Цагдаагийн албаны туг болон Дотоодын цэргийн байлдааны тугт хүндэтгэл үзүүлэх, “Цагдаагийн тангараг” давтах ёслолын арга хэмжээ энэ оны 05 дугаар сарын 23-ны өдөр Ховд аймгийн Жаргалант сумын Ард-Аюушийн талбайд зохион байгуулагдлаа.

Энэхүү ёслолын ажиллагаанд Цагдаагийн ерөнхий газрын даргын зөвлөлийн гишүүн, Экологийн цагдаагийн албаны дарга, цагдаагийн хурандаа М.Батсайхан, Бригадын генерал С.Ганбат, Аймгийн засаг дарга Э.Болормаа, аймгийн засаг даргын тамгын газрын даргын албан үүргийг түр орлон гүйцэтгэгч Б.Баярсүх, хууль, эрх зүйн хэлтсийн дарга Н.Ганзориг, Цэргийн штабын дарга, хурандаа Н.Ганхуяг, Цагдаагийн газрын дарга, цагдаагийн дэд хурандаа Г.Цоодол, Зэвсэгт хүчний 123 дугаар ангийн захирагч, хурандаа Х.Энхболд, Баруун бүсийн төв Ховд аймгийн Онцгой байдлын газрын орлогч дарга, дэд хурандаа Г.Нэргүй, Ховд аймгийн Прокурорын газрын ерөнхий прокурор, хууль цаазын шадар зөвлөх Б.Энхбаяр, Бэлтгэл хурандаа Гантулга, Цагдаагийн газрын ахмадын хорооны дарга, бэлтгэл хошууч С.Бямбасүрэн болон аймгийн цагдаагийн газрын бие бүрэлдэхүүн, ахмад настнууд, тэдний гэр бүл, үр хүүхэд, төрийн цэргийн болон хууль сахиулах байгууллагын алба хаагчид, Ховд аймгийн иргэд оролцлоо.

Монгол Улсад Дотоодын цэрэг үүсэж хөгжсөний 100 жилийн ойн хүндэт тэмдгээр Ховд аймгийн Аймгийн засаг дарга Э.Болормаа, Цэргийн штабын дарга, хурандаа Н.Ганхуяг, Ховд аймгийн хүндэт тэмдгээр Бригадын генерал С.Ганбат, Монголын биеийн тамир спортын Улсын хорооны Волейболын спортын дэд мастер цол тэмдгээр тус Цагдаагийн газрын замын цагдаагийн тасгийн цагдаа зохицуулагч, цагдаагийн дэд ахлагч О.Мөнхбуян нарыг тус тус шагналаа.