Цагдаагийн ерөнхий газрын Мэдээлэл, дүн шинжилгээ, шуурхай удирдлагын албанаас “Монгол цэргийн өдөр”-ийг тохиолдуулан тус албанаас цэргийн байнгын тэтгэвэрт гарсан ахмадуудаа хүлээн авч, хүндэтгэл үзүүллээ.

Арга хэмжээнд Мэдээлэл, дүн шинжилгээ, шуурхай удирдлагын албаны дарга, цагдаагийн хурандаа П.Батбаатар болон ахмад ажилтан, алба хаагчид оролцов.

Энэ үеэр Цагдаа, дотоодын цэргийн Ахмадын хороо, Монгол цэргийн нэгдсэн холбооны үйл ажиллагаатай танилцаж, “Сүлд” чуулгын дуучид болон чөлөөт уран бүтээлчид ая дууны мэндчилгээ дэвшүүлсэн юм.