“Үзэсгэлэн болгогч” хэмээх усан туулай жилийн сар шинийн баярыг угтан өдгөө 100 насыг зооглож буй ахмад ажилтан, цагдаагийн хошууч Б.Рагчаад Монгол Улсын Ерөнхийлөгч У.Хүрэлсүх гарын бэлгээ илгээж, хүндэтгэл үзүүлэв. Монгол Улсын Ерөнхийлөгчийн зөвлөх бөгөөд Монгол цэргийн нэгдсэн холбооны Ерөнхий нарийн бичгийн дарга, дэслэгч генерал Ц.Тогоо өнөөдөр /2023.02.20/ бэлгийг гардууллаа.

Цагдаагийн хошууч Б.Рагчаа нь 1945 оны чөлөөлөх дайны ялалтад өөрийн мятаршгүй зориг, цуцашгүй зүтгэлээр үнэлж баршгүй хувь нэмрээ оруулан, энх цагийг авчирсан ахмад дайчин юм.

Түмэн олныхоо төлөө өргөсөн тангарагтаа үнэнчээр зүтгэсэн ахмад буурал Б.Рагчаа танд эрүүл энх, аз жаргал, сайн сайхан бүхнийг хүсэн ерөөе.