ХХ зууны манлай дасгалжуулагч, Монгол Улсын гавьяат дасгалжуулагч В.Батбаяр багшийн нэрэмжит 2023 оны Монгол Улсын боксын насанд хүрэгчдийн улсын аварга шалгаруулах тэмцээн 2023 оны 02 дугаар сарын 07-ноос 12-ны өдрүүдэд Спортын төв ордонд амжилттай зохион байгуулагдлаа.

Тус тэмцээнд нийт 184 тамирчин оролцож, хурд хүч, авхаалж самбаагаа сорьсон юм. Цагдаагийн ерөнхий газрын Тусгай ажиллагааны газраас цагдаагийн хошууч Х.Баярмөнх 86 кг-ийн жинд 3 дугаар байр эзэлж хүрэл медаль, цагдаагийн хошууч О.Энхжин -92 кг-ийн жинд 2 дугаар байр эзэлж мөнгөн медаль хүртэж амжилттай оролцлоо. Тамирчдадаа баяр хүргэж, спортын өндөр амжилт хүсэн ерөөе.