Монгол цэргийн нэгдсэн холбоо болон Монгол цэргийн нэгдсэн холбооны дэргэдэх эмэгтэйчүүдийн клуб хамтран төрийн цэргийн болон хууль сахиулах байгууллагын алба хаагч, ажилтнуудын хүүхдүүдэд бэлэг гардуулах үйл ажиллагааг өнөөдөр /2022.12.28/ зохион байгууллаа.

Тус үйл ажиллагаанд Монгол цэргийн нэгдсэн холбооны Ерөнхий нарийн бичгийн дарга Ц.Тогоо, Ажлын албаны дарга Ж.Ванчинсүрэн, удирдах зөвлөлийн гишүүн Ж.Бумнанжид болон төрийн цэргийн болон хууль сахиулах байгууллагын алба хаагч, ажилтнууд тэдгээрийн ар гэрийн төлөөлөл оролцов.

Ажлын албаны дарга Ж.Ванчинсүрэн хэлэхдээ:

“Цаг хугацааны түүх болон үлдсэн хуучин оноо
Цаглашгүй их амжилт үйлсээр үдэж
Он цагийн тооллоор учран золгож байгаа шинэ жилээ
Од хийморь, орчлонгийн сайн сайхан бүхнийг билэгдэн угтацгаая” хэмээв.

Та бүхэндээ ирж буй шинэ оны баярын мэндийг хүргэе.