Санхүү, аж ахуйн албаны 2022 оны үйл ажиллагааны тайлангийн хурал, сахилгын зөвлөгөөнийг энэ оны 12 дугаар сарын 28-ны өдөр зохион байгуулагдлаа.

Тус албаны тайлангийн хуралд Цагдаагийн ерөнхий газрын Дэд дарга, цагдаагийн хурандаа П.Оростогоо, Санхүү, аж ахуйн албаны дарга, цагдаагийн хурандаа Д.Батчулуун, тус албаны “Ахмадын зөвлөл”-ийн дарга Ц.Янсанжав болон тус албаны бүтцийн болон харьяа нэгжийн дарга нар, алба хаагчдын төлөөлөл, Цагдаагийн ерөнхий газрын харьяа алба, нэгж, Нийслэлийн цагдаагийн удирдах газар, дүүргийн цагдаагийн газрын санхүү, хангамж, аж ахуйн чиглэлээр үүрэг гүйцэтгэдэг алба хаагчид оролцлоо.

Цагдаа, дотоодын цэргийн байгууллагаас 2022 онд дэвшүүлсэн зорилт,  хуулиар хүлээсэн үндсэн чиг үүргээ нэр төртэй биелүүлж, байгууллагын төсөв, хөрөнгийг зориулалтын дагуу зарцуулах, хангамж, үйлчилгээний чанар хүртээмжийг нэмэгдүүлэх, алба хаагчдын ажиллах ая тухтай орчин нөхцөлийг бүрдүүлэх ажилд идэвх зүтгэл гарган, бусдыгаа манлайлж ажилласан 6 алба хаагч, ажилтныг Санхүү, аж ахуйн албаны 2022 оны “Ажил мэргэжлийн аварга”-аар шалгаруулж, шагнаж урамшуулав.

“Ажил мэргэжлийн аварга” алба хаагчаар:

Санхүү, аж ахуйн албаны Санхүүгийн хэлтсийн ахлах мэргэжилтэн, цагдаагийн дэд хурандаа Б.Эрдэнэхорол,

Нийслэлийн цагдаагийн удирдах газрын Санхүү, аж ахуйн хэлтсийн аж ахуйн ажилтан, цагдаагийн дэслэгч А.Мөнхтүвшин,

Хангалт, үйлчилгээний төвийн Барилга, байгууламжийн хяналтын тасгийн инженер, цагдаагийн ахлах дэслэгч Б.Пүрэв-Очир,

“Сүүж-Уул” амралт, сувиллын нярав, цагдаагийн ахлагч Э.Идэрбат,

Авто баазын Ашиглалтын хэлтсийн ашиглалтын нэгдүгээр хэсгийн цагдаа жолооч, цагдаагийн ахлах ахлагч Э.Дашдаваа,

Говь-Алтай аймгийн цагдаагийн газрын үйлчлэгч Н.Оюунчимэг

"Тэргүүний хамт олон"-оор: 

Цагдаагийн хурандаа А.Батбаяр даргатай Тээврийн цагдаагийн албаны Төмөр замын цагдаагийн газрын хамт олон тус тус шалгарлаа.

Мөн Хууль зүй, дотоод хэргийн яамны шагналаар 3 алба хаагчийг шагнаж урамшуулав.

Хууль зүй, дотоод хэргийн яамны “Цагдаагийн алдар” хүндэт тэмдгээр;

Санхүү, аж ахуйн албаны Санхүүгийн хэлтсийн ахлах мэргэжилтэн, цагдаагийн хошууч Б.Энхтуяа

Хууль зүй, дотоод хэргийн яамны “Хүндэт жуух бичиг”-ээр;

Авто баазын Санхүү, аж ахуйн хэлтсийн дарга, цагдаагийн хошууч Н.Оюунбаатар,

Авто баазын Санхүү, аж ахуйн хэлтсийн нярав, цагдаагийн ахлах ахлагч Д.Буянтөгс нар тус тус шагнагдлаа.