Бүртгэл хяналтын төвөөс 2022 оны үйл ажиллагааны тайлангийн хурал, сахилга, ёс зүйн зөвлөгөөнийг  зохион байгуулж тэргүүний алба хаагчдаа шалгарууллаа.

Тус төв нь Монгол Улсын хэмжээнд тээврийн хэрэгсэл жолоодох эрх олгох үйл ажиллагаанд ашиглагдаж байсан “Жолоочийн бүртгэл  мэдээллийн сан”, “Онолын цахим  шалгалтын систем”, “Жолоодох эрх олгох шалгалтад хамрагдах иргэдийн мэдээллийн систем” зэрэг программ, хангамжид 2013 оноос хойш хөгжүүлэлт хийгдээгүй байсныг Цагдаагийн ерөнхий газрын Мэдээлэл, дүн шинжилгээ, шуурхай удирдлагын албатай хамтран программ хангамжуудыг нэгтгэн, шинэчлэн боловсруулж үйл ажиллагаанд нэвтрүүлснээр мэдээллийн нууцлал, аюулгүй байдал хангагдаж, кибер халдлагаас бүрэн хамгаалагдсан, жолоочийн мэдээллийг программ тус бүрд оруулж байсныг Улсын бүртгэлийн сангаас авах боломжийг бүрдүүлэн алба хаагчдын ажлын ачааллыг бууруулснаар иргэдэд цагдаагийн байгууллагаас хүргэх үйлчилгээний чанарыг сайжруулсан. 

Мөн Төрийн үйлчилгээний нэгдсэн портал “Е-Монголиа” цахим системд “Галт зэвсгийн гэрчилгээ олгох”, “Монгол улсын хилээр галт зэвсэг, галт зэвсэгтэй адилтгах хэрэгсэл нэвтрүүлэх, худалдан борлуулах төвөөс худалдан авах зөвшөөрөл олгох”, гэрээт харуул, хамгаалалт”-ын болон “Аюултай ачаа тээвэрлэлтийн зөвшөөрөл” олгох хүсэлт хүлээн авах холболтыг хийж үйл ажиллагаанд бүрэн нэвтрүүлэн цахимаар иргэд, аж ахуй нэгжид үйлчилгээ үзүүлж хэвшсэн зэрэг шинэлэг ажлуудыг хийж гүйцэтгэсэн байна.

Тайлангийн хурлын үеэр хуулиар хүлээсэн чиг үүргийг хэрэгжүүлэхэд идэвх гарган ажлын үр дүнгээр бусдыгаа хошуучлан ажилласан.

- Зөвшөөрөл хяналтын тасгийн дарга, цагдаагийн дэд хурандаа Г.Амарсанаа,  

- Мөн тасгийн Галт зэвсгийн бүртгэл хариуцсан ахлах мэргэжилтэн, цагдаагийн хошууч Б.Гансүх

- Мэргэжил хяналтын тасгийн мэргэжилтэн, цагдаагийн ахмад Ц.Сүхбаатар нарыг “тэргүүний алба хаагч”-аар шалгаруулж батламж, мөнгөн шагналаар тус тус шагналаа.