НИЙСЛЭЛИЙН ЦАГДААГИЙН УДИРДАХ ГАЗАР 2022 ОНЫ АЖЛАА ДҮГНЭН, ШИЛДГҮҮДЭЭ ТОДРУУЛЛАА

2022-12-27 16:51:58

3497

Нийслэлийн цагдаагийн удирдах газар нь Монгол Улсын Үндсэн хууль, Цагдаагийн албаны тухай хууль, Монгол Улсын Их хурал, Засгийн газрын тогтоол, шийдвэрийн хэрэгжилтийг хангах чиглэлээр гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүрэг, цагдаа, дотоодын цэргийн байгууллагаас 2022 онд дэвшүүлсэн зорилт, гүйцэтгэлийн төлөвлөгөөний хэрэгжилтийг хангаж, энэ оны ажлаа дүгнэн тайлагнаж, тэргүүний болон шилдэг алба хаагчдадаа шагнал гардуулах ёслолын арга хэмжээг өнөөдөр /2022.12.27/ зохион байгууллаа.

Ёслолын арга хэмжээнд Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд, Цагдаагийн ерөнхий газрын Дэд бөгөөд Нийслэлийн цагдаагийн удирдах газрын дарга, цагдаагийн хурандаа О.Ганбат, Тээврийн цагдаагийн албаны дарга, цагдаагийн хурандаа Ц.Ариунболд, Нийслэлийн Иргэдийн төлөөлөгчдийн хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Ж.Батбаясгалан, Нийслэлийн Засаг даргын Тамгын газрын дарга И.Баатархүү болон дүүрэг дэх цагдаагийн газар, хэлтсийн алба хаагчид оролцсон юм.

“Ажил мэргэжлийн аварга алба хаагч”-аар

Баянзүрх дүүргийн цагдаагийн газрын гуравдугаар хэлтсийн Эрүүгийн цагдаагийн тасгийн эрүүгийн мөрдөгч, цагдаагийн ахлах дэслэгч Түмэн-Өлзийн Саруултөгс;
Сүхбаатар дүүргийн цагдаагийн газрын нэгдүгээр хэлтсийн Мөрдөн байцаах тасгийн мөрдөгч, цагдаагийн дэслэгч Батбаярын Тэмүүжин;
Баянгол дүүргийн цагдаагийн газрын нэгдүгээр хэлтсийн Нийтийн хэв журам хамгаалах тасгийн хэсгийн байцаагч, цагдаагийн ахлах дэслэгч Баянсангийн Бат-Эрдэнэ;
Чингэлтэй дүүргийн цагдаагийн газрын Замын цагдаагийн хэлтсийн цагдаа зохицуулагч, цагдаагийн ахлах ахлагч Амартүвшингийн Амгаланбаатар;
Нийслэлийн цагдаагийн удирдах газрын Захиргааны удирдлагын газрын Хүний нөөц, сургалтын хэлтсийн чиглэлийн ахлах мэргэжилтэн, цагдаагийн хошууч Дүйнхэрийн Буян-Эгшиг
Нийслэлийн цагдаагийн удирдах газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн ахлах мэргэжилтэн, цагдаагийн ахмад Санвайдагвын Сайнбилэг;