Дотоодын цэргийн штабаас 2022 оны “Үйл ажиллагааны тайлангийн хурал”, “Хөдөлмөрийн тэргүүний болон ажил, мэргэжлийн шилдэг алба хаагч, хамт олон”-д шагнал гардуулах ажиллагааг өнөөдөр /2022.12.26/ Цагдаагийн ерөнхий газрын “Сүлд” чуулгын концертын танхимд зохион байгууллаа.

Арга хэмжээнд Цагдаагийн ерөнхий газрын дарга, дотоодын цэргийн командлагч, хошууч генерал Ж.Болд, Дотоодын цэргийн штабын дарга, бригадын генерал Р.Чингис, ЦЕГ-ын Захиргааны удирдлагын газрын дарга, цагдаагийн хурандаа Л.Нямдаваа, ЦЕГ-ын Төлөвлөлт, зохион байгуулалтын хэлтсийн дарга цагдаагийн хурандаа Ц.Наранбаатар, Дотоодын цэргийн штабын даргын зөвлөлийн гишүүд болон анги, тусгай  салбаруудын захирагч 13 байршлаас алба хаагчид оролцлоо.

Тус арга хэмжээний үеэр дотоодын цэргийн байгууллагаас 2022 онд зохион байгуулсан ажлын тайланг танилцуулж, Цагдаа, дотоодын цэргийн байгууллагаас 2023 онд дэвшүүлсэн зорилт, цаашид авч хэрэгжүүлэх ажил, арга хэмжээний танилцуулгыг ЦЕГ-ын Захиргааны удирдлагын газрын дарга, цагдаагийн хурандаа Л.Нямдаваа танилцуулав.

Хурлын үеэр хийж гүйцэтгэсэн ажлын ололт амжилт, алдаа дутагдлаа дүгнэж, улсын онц чухал объектыг хамгаалах, нийтийн хэв журам сахиулах, олон нийтийн аюулгүй байдлыг хангах, гэмт хэргийг таслан зогсооход дэмжлэг үзүүлэх зэрэг хуулиар хүлээсэн чиг үүргийг хэрэгжүүлэхэд идэвх зүтгэл, үр бүтээл гарган ажил хөдөлмөрөөрөө бусдыгаа хошуучлан ажилласан “Дотоодын цэргийн тэргүүний хамт олон, ажил мэргэжлийн аварга алба хаагчид”-ыг шалгаруулан, шагнаж урамшуулсан юм.

-“Ажил мэргэжлийн аварга удирдагч алба хаагч”-аар Дотоодын цэргийн 05 дугаар ангийн гэрээт салбарын захирагч дэд хурандаа Д.Мөнхбаяр;

-“Ажил мэргэжлийн аварга, захиргааны алба хаагч”-аар Дотоодын цэргийн штабын харуул хамгаалалтын хэлтсийн хамгаалалт, төлөвлөлт хариуцсан чиглэлийн ахлах офицер хошууч Э.Баярсайхан

-“Ажил мэргэжлийн аварга офицер”-оор Дотоодын цэргийн 809 дүгээр тусгай салбарын довтлогч ахлах дэслэгч С.Өлзийбаатар

-“Ажил мэргэжлийн аварга, ахлагч”-аар 805 дугаар ангийн харуулчин ахлах ахлагч Ц.Батмөнх

-“Ажил мэргэжлийн аварга, ар талын алба хаагч, ажилтан”-аар 810 дугаар ангийн барилга орон сууц, ашиглалтын ахлах офицер хошууч С.Амгаланжаргал

-“Ажил мэргэжлийн аварга, хамгийн шилдэг ахлагч”-аар 810 дугаар ангийн цагдаагийн тасгийн цагдаа зохицуулагч цагдаагийн ахлах ахлагч Г.Отгонбаяр  

-“Тэргүүний хамт олон”-оор Хурандаа Ж.Түмэнтулга даргатай Дотоодын цэргийн 805 дугаар анги

-Дотоодын цэргийн “Албаны төлөө” тэмдгээр Дотоодын цэргийн 805 дугаар ангийн ар тал хангалтын авто инженер  дэд хурандаа Н.Баттогтох, 05 дугаар ангийн Ар тал хангалтын ээлжийн тогооч Д.Загар нар тус тус шагнагдлаа.

Улиран одож буй 2022 онд эрхэлсэн ажилдаа идэвх зүтгэл гарган хамт олноо манлайлан “Дотоодын цэргийн тэргүүний хамт олон”, “Ажил мэргэжлийн аварга”-аар шалгарсан болон нийт шагнагдсан алба хаагчдад баяр хүргэж цаашдынх нь ажил, хөдөлмөрт өндөр амжилт хүсье.