Цагдаагийн ерөнхий газрын Зөрчлийн хэрэг бүртгэх газрын 2022 оны “Үйл ажиллагааны тайлангийн хурал, сахилгын зөвлөгөөн” өнөөдөр /2022.12.26/ Нийслэлийн цагдаагийн удирдах газрын Хурлын танхимд зохион байгуулагдлаа. Зөрчлийн хэрэг бүртгэх газар нь үүсэн байгуулагдаад 9 сар болсон хэдий ч цагдаа, дотоодын байгууллагын 2022 онд дэвшүүлсэн зорилтыг үйл ажиллагаандаа амжилттай хэрэгжүүлж Зөрчил шалган шийдвэрлэх ажиллагааг Монгол Улсын хууль тогтоомжид заасны дагуу шалган шийдвэрлэж байгаа юм.

Тайлангийн хурлаар тус газраас авч хэрэгжүүлсэн онцлог ажил, арга хэмжээний талаар танилцуулан, 2022 оны үйл ажиллагаагаараа хамт олноо хошуучлан ажилласан алба хаагчдаа шагнаж урамшууллаа.

Цагдаагийн ерөнхий газрын “Хөдөлмөрийн аварга алба хаагч”-аар Баянзүрх дүүргийн цагдаагийн газрын гуравдугаар хэлтсийн Зөрчлийн хэрэг бүртгэх тасгийн байцаагч, цагдаагийн дэслэгч П.Соронзонболд.

“Тэргүүний хамт олон”-оор:

- Баянзүрх дүүргийн цагдаагийн газрын нэгдүгээр хэлтсийн Зөрчлийн хэрэг бүртгэх тасаг,

- Орхон аймгийн цагдаагийн газрын Зөрчлийн хэрэг бүртгэх тасаг,

“Тэргүүний алба хаагч”-аар:

-Баянзүрх дүүргийн цагдаагийн газрын хоёрдугаар хэлтсийн Зөрчлийн хэрэг бүртгэх тасгийн байцаагч, цагдаагийн дэслэгч Ц.Мөнгөнтулга,

- Орхон аймгийн цагдаагийн газрын Зөрчлийн хэрэг бүртгэх тасгийн зөрчлийн байцаагч, цагдаагийн ахмад Э.Чамин-Эрдэнэ,

- Чингэлтэй дүүргийн цагдаагийн газрын Замын цагдаагийн хэлтсийн зөрчлийн байцаагч, цагдаагийн ахлах дэслэгч Э.Энхтайван нар шалгарлаа.

Алба хаагчдынхаа цаашдын ажилд өндөр амжилт хүсье.