Цагдаа, дотоодын цэргийн анги, байгууллагад болж буй үйл явдлыг "Фото мэдээ"-ээр хүргэе!

Дорноговь аймгийн цагдаагийн газраас "Архидан согтуурахтай тэмцэх тухай хууль", "Гэр бүлийн хүчирхийлэл хүүхдийн эсрэг гэмт хэрэгтэй тэмцэх тухай хууль", "Замын хөдөлгөөний аюулгүй байдлын тухай хууль", "Гэмт хэрэг зөрчлөөс урьдчилан сэргийлэх тухай хууль"-ийн хэрэгжилтийг хангах, орц, хонгил, дээвэр, гудамж талбай, олон нийтийн газарт согтуугаар үйлдэгдэх гэмт, хэрэг зөрчлийг илрүүлэх таслан зогсоох, осгож хөлдөхөөс урьдчилан сэргийлэх чиглэлээр "Эргүүл Хяналт" арга хэмжээг зохион байгуулан ажиллаж байна. Арга хэмжээний хүрээнд Сайншанд суманд 20 чиглэлд 40 алба хаагч болон 12 сумдын хэсгийн төлөөлөгч цагдаа нар хариуцсан сум орон нутагтаа хяналт шалгалтыг зохион байгуулан ажиллаж байна.

Цагдаагийн ерөнхий газрын Санхүү, аж ахуйн албанаас улсын төсвийн хөрөнгө оруулалтаар Увс аймгийн цагдаагийн газарт "Хантер" маркийн автомашиныг алба хаагчид хүлээлгэн өглөө.

Хөвсгөл аймгийн цагдаагийн газраас аймгийн Хамгаалалтын захиргаа, ГТУА 69-р ангитай хамтран Хөвсгөл нуурын мөсөн бүрхүүл тогтсон, мөсөн замын эрсдэл үүссэн, үүсэж болзошгүй газруудад 50 ширхэг хориглох тэмдгийг байршуулан ажиллаж байна.