“Монгол Улсад жендерт суурилсан хүчирхийлэлтэй тэмцэх үйл ажиллагааг бэхжүүлэх төсөл нь 2019 оноос эхэлсэн бөгөөд энэ жил 3дахь жилдээ зохион явагдаж байна. Энэхүү төслийн хүрээнд Цагдаагийн ерөнхий газраас Улсын ерөнхий прокурорын газар, Олон улсын эрх зүйн хөгжлийн байгууллагатай хамтран “Гэр бүлийн хүчирхийлэлтэй тэмцэхэд хохирогч төвтэй хандлагыг хэрэгжүүлэх нь” сургалтыг энэ сарын 08, 09-ний өдрүүдэд зохион байгуулж байна.

Уг сургалтаар зөрчил, гэмт хэрэгтэй тэмцэхэд хууль сахиулах, шүүх эрх мэдлийн байгууллагын ажилтан, алба хаагчдад зориулсан гэр бүлийн хүчирхийлэлтэй тэмцэхэд хохирогч төвтэй хандлагыг хэрэгжүүлэх талаар гол ойлголт мэдлэг, ур чадварыг эзэмшүүлэх юм.

Сургалтад Нийслэлийн цагдаагийн удирдах газрын дүүргийн цагдаагийн хэлтсийн Гэр бүлийн хүчирхийллээс урьдчилан сэргийлэх ахлах мэргэжилтэн, мэргэжилтэн, Зөрчлийн ахлах байцаагч, байцаагч, мөрдөгч, хэсгийн байцаагч зэрэг нийт 40 алба хаагч хамрагдаж байна.