Цагдаа, дотоодын цэргийн байгууллагын албан тушаалын сул орон тоог нөхөх, нөөц бүрдүүлэх зорилгоор ЦЕГ-ын Мэдээлэл дүн шинжилгээ, шуурхай удирдлагын албанд:

• Мэдээллийн технологи, программ хангамж, сүлжээний дэд бүтцийн бакалавр болон түүнээс дээш боловсролын зэрэгтэй, 35 хүртэлх насны иргэдийг “Программ хангамж хариуцсан инженер”, “Систем хариуцсан инженер”, “Мэдээллийн аюулгүй байдал хариуцсан инженер”-ийн офицер албан тушаалд;
• Бүрэн дунд боловсролтой, хугацаат цэргийн албыг биеэр болон дүйцүүлэн хаасан, жолооны ВС ангилалтай, 30 хүртэлх насны иргэдийг “Хөдөлгөөнт холбооны техникч” ахлагч албан тушаалд тус тус шалгаруулж, “ажлын байраар хангах ажлыг зохион байгуулах гэж байна.

Иймд цагдаа, дотоодын цэргийн байгууллагад ажиллах чин хүсэлтэй, өөрийн эзэмшсэн мэргэжлээр ажиллах сонирхолтой иргэд 2022 оны 9-р сарын 28-аас 10-р сарын 27-ны өдөр хүртэл бүртгэл, судалгаанд хамрагдаж, сонгон шалгаруулалтад оролцохыг урьж байна.

Бүрдүүлэх баримт бичиг:

• Өргөдөл /татаж авч бөглөөд .pdf/
• Биеийн байцаалт (Төрийн албаны зөвлөлийн 2019 оны 05 дугаар тогтоолын 1-6 дугаар хавсралтаар баталсан “Төрийн албан хаагчийн анкет”-ын дагуу бүрэн бичсэн байх);
• Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах; /.pdf/
• Сурагчийн хувийн хэрэг; /.pdf/
• Иргэний үнэмлэх; /.pdf/
• 3 үеийн намтар/.pdf/;
• Оршин суугаа хаягийн тодорхойлолт/.pdf/;
• Цэргийн үүрэгтний үнэмлэх /.pdf/
• Эрүүл мэндийн асуумж /.pdf/
• Урьд нь ажил, хөдөлмөр эрхэлж байсныг гэрчлэх баримт /нийгмийн даатгалын дэвтэр, хөдөлмөрийн дэвтэр/-ийн эх хувь; албанаас чөлөөлөгдсөн бол тушаалын хувь; архивын лавлагаа/.pdf/,
• "4 х 6”-гийн хэмжээний цээж зураг; /.pdf/  

Тайлбар:

      - Дээр дурдсан баримт бичгийг заавал нотариатаар баталгаажуулсан байхыг шаардахгүй бөгөөд баримт бичгийн үнэн зөвийг хүсэлт гаргасан иргэн өөрөө хариуцна.

       - Хэрвээ ерөнхий болон тусгай шаардлагыг хангахгүйгээ нуун дарагдуулсан, хуурамч, дутуу баримт бичиг бүрдүүлснээс үүдэн гарах хохирол, хариуцлагыг буруутай этгээд өөрөө хүлээнэ.

       - Баримт бичгийн эх хувийг хуулбарлан зохих шаардлагад нийцүүлэн цахим хэлбэрээр, тогтоосон хугацаанд хүргүүлнэ.

       - Төрийн албан хаагчийн анкет, шалгалтад бүртгүүлэх тухай хүсэлтэд өөрийн гарын үсгээ зурсан байна.

       - Шалгалт зохион байгуулах комисс шаардлагатай гэж үзвэл нэмэлт материал шаардах эрхтэй болохыг анхаарна уу.

     - Эрүүл мэндийн үзлэгийг Нийслэлд Төрийн тусгай албан хаагчдын нэгдсэн эмнэлэгт, орон нутагт харьяа Нэгдсэн эмнэлэгт хийлгэх,