Цагдаа, дотоодын цэргийн анги, байгууллагуудын дунд жил бүр спортын 18 төрлөөр цогцолбор тэмцээн зохион байгуулж алба хаагчдынхаа авхаалж самбаа, ур чадварыг сорин өрсөлддөг уламжлалтай. Энэ жилийн цагдаа, дотоодын цэргийн анги байгууллагын цогцолбор тэмцээний 11 дэх тэмцээн Гар бөмбөгийн тэмцээнээр үргэлжилж, тэмцээнийг Цагдаагийн ерөнхий газрын Санхүү, аж ахуйн албанаас зохион байгуулж байна.

Тэмцээн өнөөдөр /2022.10.12/ 4 байршилд зохион байгуулагдаж цагдаа, дотоодын цэргийн эрэгтэй 38, эмэгтэй 26, нийт 64 багийн 512 тамирчин оролцож, цагдаагийн байгууллагын түүхэнд анх удаа өргөн бүрэлдэхүүнтэйгээр өрсөлдөж байгаагаараа онцлог болж байгаа юм.