Цагдаагийн ерөнхий газар, Америкийн Нэгдсэн Улсаас Монгол Улсад суугаа элчин сайдын яамтай хамтран “Оюуны өмчийн эрхийн хэрэгжилт-2022” сэдэвт сургалтыг энэ оны 09 дүгээр сарын 28-ны өдөр “Блью Скай” зочид буудлын Хурлын танхимд амжилттай зохион байгууллаа.

Америкийн Нэгдсэн Улсаас холбооны шүүгч, тус улсын Хууль зүйн яамны мөрдөн шалгах ажиллагаа хариуцсан эксперт, патент барааны тэмдгийн газрын төлөөлөгч сургагч багш нар оюуны өмчийн ойлголт, хамгаалалт, Америк, Монголын оюуны өмчийн хууль тогтоомжийн ижил болон ялгаатай талууд, оюуны өмчийн хэргийг мөрдөх, бусад байгууллагатай хамтран ажиллах, нотлох, дижитал шүүх шинжилгээ, хууль бус цахим сүлжээ, олон улсын хамтын ажиллагаа сэдвээр сургалтыг зохион байгуулж, өөрсдийн мэдлэг чадвар, тэргүүн туршлагаас хуваалцаж, харилцан мэдээлэл солилцсон юм.  

Энэхүү сургалтад Нийслэлийн цагдаагийн удирдах газар, Эрүүгийн цагдаагийн алба, Мөрдөн байцаах албаны нийт 35 алба хаагчид хамрагдсан бөгөөд цагдаагийн алба хаагч нарт оюуны өмчийг хамгаалах талаар мэдлэг олгож, энэ төрлийн гэмт хэрэг, зөрчилтэй тэмцэх ур чадварыг дээшлүүлсэн ач холбогдолтой сургалт боллоо.