Цагдаагийн байгууллагаас Их, дээд сургууль болон коллеж, ерөнхий боловсролын сургууль, цэцэрлэгийн оюутан, сурагч, хүүхэд багачуудыг гэмт хэрэг, зөрчлөөс урьдчилан сэргийлэх, сургуулийн орчны аюулгүй байдлыг хангах зорилгоор сургалтуудыг үе шаттайгаар зохион явуулж байна.

Цагдаагийн ерөнхий газрын Хэвлэл, мэдээллийн төвийн алба хаагчид өнөөдөр /2022.09.23/ Сонгинохайрхан дүүргийн ерөнхий боловсролын 9 дүгээр сургуулийн төгсөх ангийн сурагчдад “Гэмт хэрэг, зөрчлийн тухай ойлголт”, “Гэмт хэрэг, зөрчлөөс урьдчилан сэргийлэх” зэрэг сэдвээр сургалт зохион байгуулж, мэргэжил сонголт болон сэтгэл зүйн аюулгүй байдлын талаар зөвлөгөө мэдээлэл хүргэлээ.