Цагдаагийн байгууллагад мөрдөгчөөр шинээр томилогдсон алба хаагчдад албаны онцлог, чиг үүрэг, түүхэн уламжлалыг танилцуулах, ажил, албандаа хандах эерэг хандлагыг төлөвшүүлэх, мөрдөн шалгах ажиллагааны ур чадвар эзэмшүүлэх, мэргэжлийн алдаа дутагдал гаргах, сахилга, ёс зүйн зөрчилд холбогдохоос урьдчилан сэргийлэх, мөрдөгчийн мэдвэл зохих хууль тогтоомж бусад эрх зүйн актуудын талаар ойлголт олгох ажлын байрны чиг баримжаа олгох сургалтыг энэ сарын 21-нд зохион байгууллаа.

Сургалтад Дотоод хэргийн их сургуулийн Цагдаагийн сургуулийг 2022 онд төгсөж Мөрдөн байцаах албанд мөрдөгчөөр томилогдсон 29 алба хаагч хамрагдсан юм.