Монгол цэргийн нэгдсэн холбооны дэргэдэх "Бид мартаагүй" эмэгтэйчүүдийн клуб нь "Эрх билэг хан нийгэмлэг" төрийн бус байгууллагатай хамтран хууль сахиулах байгууллагуудын албан хаагчдын гэр бүлийн гишүүдийг боловсролтой, орлоготой болгох зорилгоор “Нягтлан бодох, бүртгэл тооцооны төхөөрөмжийн засварчин", "Хангамжийн нярав", "Хоол үйлдвэрлэлийн тоног төхөөрөмжийн засварчин", "Нарийн бичгийн дарга, албан хэргийн ажилтан" зэрэг дөрвөн мэргэжлээр 2022-2023 онд суралцуулахаар бэлтгэл ажлыг хангасан юм.

Энэхүү ажлын хүрээнд Худалдаа үйлдвэрлэлийн их сургуулиас хууль сахиулах байгууллагуудын албан хаагчдын гэр бүлийн гишүүдийг дээрх сургалтад хамруулахаар цагдаа, дотоодын цэргийн байгууллагад 51 ширхэг урилгыг хүлээлгэн өгч, алба хаагчдын гэр бүлийн гишүүдийн төлөөлөл өнөөдөр /2022.06.09/ урилгаа гардан авлаа.

Алба хаагчдын гэр бүлийн гишүүд дээрх сургалтад хамрагдсанаар мэргэжилтэй, орлоготой болох томоохон ач холбогдолтой юм.