Монгол Улсын Засгийн газраас 1995-2005 онд “Монгол бичгийн үндэсний хөтөлбөр I”, 2008-2015 онд “Монгол бичгийн үндэсний хөтөлбөр II”-ийг тус тус хэрэгжүүлсэн бөгөөд 2025 оноос төрийн албан хэргийг кирилл болон монгол бичгээр хөтлөн явуулахтай холбогдуулан Монгол Улсын Засгийн газрын 2020 оны 03 дугаар сарын 18-ны өдрийн тогтоолоор “Монгол бичгийн үндэсний хөтөлбөр III”-г баталж, хөтөлбөрийг 2020-2024 онд хэрэгжүүлэн ажиллаж байна.

Хөтөлбөрийн хэрэгжилтийг хангах ажлын хүрээнд цагдаа, дотоодын цэргийн анги, байгууллагын алба хаагчдын монгол бичгийн мэдлэг, чадварыг дээшлүүлэх зорилгоор Цагдаагийн ерөнхий газрын даргын тушаалаар төв байр, албад, харьяа нэгжийн 25 алба хаагчийг 1 сарын хугацаатай монгол бичгийн сургалтад хамрууллаа.

Сургалтад амжилттай хамрагдсан алба хаагчдад сертификат гардуулах үйл ажиллагааг өнөөдөр /2022.06.02/ Мөрдөн байцаах албаны хурлын танхимд зохион байгууллаа.