Олон Улсын хүүхдийн эрхийг хамгаалах өдрийг тохиолдуулан цагдаагийн байгууллагаас 29-р дунд сургуулийн 9-р ангийн сурагчдад цагдаагийн байгууллагын үйл ажиллагааны онцлог, чиг үүргийг танилцуулах зорилгоор өртөөчилсөн аяллыг зохион байгууллаа.

Өртөөчилсөн аяллаар цагдаагийн “Сүлд” чуулгын түүхэн болон виртуаль музей, Мэдээлэл, дүн шинжилгээ, шуурхай удирдлагын төвийн дуудлага мэдээлэл хүлээн авах явц, тусгай хэрэгцээт иргэд хэрхэн тусламж авах талаарх болон цагдаагийн байгууллагаас хүүхдийн эрхийг хэрхэн хамгаалдаг тухай, өөрийгөө болон үе тэнгийн сурагчдаа хэрхэн гэмт хэрэг зөрчлөөс урьдчилан сэргийлэх чиглэлээр мэдээлэл өгч, үйл ажиллагаатай танилцууллаа.

Мөн Цагдаагийн ерөнхий газрын Мэдээлэл шуурхай удирдлагын төвийн үйл ажиллагаа, дуудлага мэдээлэл хэрхэн хүлээн авдаг талаар нөхцөл байдал, тусгай хэрэгцээт хүмүүс тусламж хайсан болон хэн нэгэнд тусламж хэрэгтэй болсон үед цагдаагийн байгууллагад хэрхэн хандаж тусламж авах талаар танилцуулж мэдээлэл хүргэлээ.

Сурагчид өртөөчилсөн аяллын явцад өөрийн сонирхсон зүйлээ асууж тодруулан өндөр сэтгэгдэлтэй буцсан бөгөөд арга хэмжээний төгсгөлд Хэвлэл, мэдээлийн төвийн үйл ажиллагаатай танилцан, дурсгалын зураг авахуулж,  Зөв найзууд төрийн бус байгууллагаас сурагчдад гарын бэлэг гардуулсан юм.