Олон Улсын “Энхийг сахиулагчдын өдөр-”ийг тохиолдуулан Нэгдсэн Үндэстний Байгууллагын Бүгд Найрамдах Өмнөд Судан улс дахь Энхийг сахиулах ажиллагааны (UNMISS) Жуба хот дахь төв байранд ёслолын жагсаал зохион байгуулагдаж, НҮБ-ын Ерөнхий нарийн бичгийн даргын тусгай төлөөлөгч, (SRSG)  UNMISS ажиллагааны тэргүүн ноён Николас Хэйсом, UNMISS ажиллагаан дахь цагдаагийн дарга, комиссар, хатагтай Кристин Фоссен болон зочид төлөөлөгчид оролцлоо.

Ёслолын жагсаалд Монгол Улсын цагдаагийн байгууллагыг төлөөлөн Цагдаагийн ерөнхий газрын Хар тамхитай тэмцэх газрын ахлах мэргэжилтэн, цагдаагийн хошууч Б.Мандухай, эрүүгийн мөрдөгч, цагдаагийн ахмад Г.Азбилэг нар оролцож, Нэгдсэн Үндэстний Байгууллага болон Бүгд Найрамдах Өмнөд Судан Улсын далбааг мандууллаа.

Энэ жилийн Олон Улсын Энхийг сахиулагчдын өдрийг дэлхий дахинаа “Хүмүүс-Энх тайван-Хөгжил, дэвшил”, “Түншлэлийн хүч” сэдвийн хүрээнд тэмдэглэн өнгөрүүлж байна.

UNMISS ажиллагаанд одоогийн байдлаар нийт 12000 цэрэг, 1500 цагдаагийн алба хаагчид болон 2500 орчим ажилчид НҮБ-ын чиг үүргийг ажиллагааны газар оронд хэрэгжүүлэн ажиллаж байна.  

Нийт энхийг сахиулагч, цэнхэр дуулгатан та бүхэнд Олон Улсын Энхийг сахиулагчдын өдрийг баярын мэндийг ажиллагааны газар оронд үүрэг гүйцэтгэж байгаа мөрдэс нэгт нөхдөөс нь хүргэж байна.