Олон Улсын хүүхдийн эрхийг хамгаалах өдрийг тохиолдуулан зохион байгуулж буй “Хүүхэд таныг хамгаалъя” арга хэмжээний хүрээнд Улаанбаатар цагдаагийн хүрээний удирдах албан тушаалтай алба хаагчид нийслэлийн ерөнхий боловсролын 214 сургуулиудийн дунд болон ахлах ангийн сурагчдад “Хувь хүний үнэт зүйл”, мэргэжил сонголт, амьдралын үнэ цэн, гэмт хэрэг, зөрчлөөс урьдчилан сэргийлэх, үе тэнгийн дээрэлхэлт, дарамт шахалт зэрэг сэдвээр сургалтыг энэ сарын 25-27-ны өдрүүдэд зохион явуулж байна.

Өсвөрийн сэргийлэгч бүлгэмийн идэвхтэн гишүүн болон бусдыгаа манлайлсан сурагчдад "Талархал" гардуулан цаашдын сурлага, хөдөлмөрт нь амжилт хүслээ.