Жил бүрийн хавар, намар зохион байгуулагддаг номын баяр 2007 оноос хойш жил алгасалгүй зохион байгуулагдсаар өдгөө 16 дахь  жилтэйгээ золгож байна.

Үндэсний номын баярын 31 дэх удаагийн арга хэмжээ Сүхбаатарын талбайд өнөөдөр /2022.05.20/ эхэллээ. Энэ жил номын баярыг “Илүү их уншъя” уриан дор зохион явуулах юм. Номын баяр нь унших, бичих, орчуулах, хэвлэн нийтлэх, түгээх үйл ажиллагааг дэмжиж, сурталчилдаг үндэсний хэмжээний арга хэмжээ бөгөөд дунджаар 50,000 хүн зорин ирдэг байна.

31 дэх жилдээ зохион байгуулагдаж буй “Үндэсний номын баяр-31” арга хэмжээнд Цагдаагийн ерөнхий газрын “Сүлд” чуулгын уран бүтээлчид оролцож уран бүтээлээ олны хүртээл болгодог байсан бөгөөд энэ жилийн хувьд анх удаа цагдаагийн байгууллагын “Виртуал музей” оролцож байгаа юм.

Тус музей нь Монгол Улсын хамгийн анхны бүрэн хэмжээний виртуал музей гэдгээрээ онцлог бөгөөд орчин үеийн VR технологийг ашиглан үзэгч бодит орчинд оруулан биет бус үзмэртэй танилцах юм. Виртуал орчинд интерактив ашиглах, турших, харьцуулах, тоглох, сонсох, харах, 360 хэмжээсээр аялал хийх, даалгавар биелүүлэх боломжоор хангагдсан.

“Үндэсний номын баяр-31” арга хэмжээнд хүрэлцэн ирж цагдаагийн байгууллагын “Виртуал музей”-ээр аялахыг уриалж байна.