Монгол цэрэг Нэгдсэн Үндэстний Байгууллагын мандаттай энхийг дэмжих ажиллагаанд оролцож эхэлсний 20 жилийн ойн хүрээнд төрийн цэргийн болон хууль сахиулах байгууллагуудын алба хаагчдын дунд зохион байгуулагдаж буй “Сагсан бөмбөг”-ийн аварга шалгаруулах тэмцээн өнөөдөр /2022.04.20/ Хил хамгаалах ерөнхий газрын спорт зааланд эхэллээ.

Тэмцээн энэ сарын 20,21,22-ны өдрүүдэд үргэлжлэх бөгөөд Цагдаагийн ерөнхий газраас 32 алба хаагч, Дотоодын  цэргийн штабаас 30 алба хаагч оролцож байна.

Тус тэмцээнд Цагдаагийн ерөнхий газар, Дотоодын цэргийн штаб, Зэвсэгт хүчин, Онцгой байдлын ерөнхий газар, Хил хамгаалах ерөнхий газар, Төрийн тусгай хамгаалалтын газар, Тагнуулын ерөнхий газар, Шүүхийн шийдвэр гүйцэтгэх ерөнхий газрын нийт 130 гаруй алба хаагчид оролцож байгаа юм.

Тэмцээнд оролцож буй баг, тамирчдадаа спортын өндөр амжилт хүсье!