Гэр бүлийн хүчирхийлэл, хүүхдийн эсрэг гэмт хэрэг, зөрчил, дуудлага мэдээлэл шалган шийдвэрлэх эрх бүхий алба хаагчдын эрх зүйн мэдлэг, чадварыг дээшлүүлэх зорилгоор зохион байгуулагдаж байгаа “Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй” сэдэвт сургалтыг энэ оны 04 дүгээр сарын 05, 06-ны өдрүүдэд Өвөрхангай аймагт бүсчилсэн байдлаар зохион байгуулж байна.

Сургалтыг Нэгдсэн Үндэстний байгууллагын Хүн амын сан, Цагдаагийн ерөнхий газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтэс болон нутаг дэвсгэр хариуцсан цагдаагийн байгууллага, Гэр бүл, хүүхэд залуучуудын хөгжил, Улсын ерөнхий прокурорын газруудтай хамтран зохион байгуулж байгаа бөгөөд Архангай, Баянхонгор, Өвөрхангай, Төв аймаг дахь цагдаагийн газрын нийт 34 алба хаагчид хамрагдаж байгаа юм. 

Сургалтаар "Жендэрт суурилсан хүчирхийллийн тухай ойлголт, олон улсын харилцаа", Хохирогч, хүчирхийлэгчийн сэтгэл зүйн онцлог", "Хүүхэд, гэр бүлийн хүчирхийллийн зөрчил, гэмт хэргийн шалтгаан шийдвэрлэх ажиллагаанд анхаарах асуудал", "Гэр бүлийн хүчирхийллээс урьдчилан сэргийлэх ажил, хамтарсан багийн ажиллагаа", "Хүүхэд хамгаалал", “Гэр бүлийн хүчирхийллээс урьдчилан сэргийлэх ажил, хамтарсан багийн ажиллагаа” зэрэг 16 төрлийн сэдвүүдийн хүрээнд сургагч багш нар орж байна.