НИЙТИЙН ЭМХ ЗАМБАРААГҮЙ БАЙДАЛ ҮҮССЭН ҮЕИЙН ЦАГДААГИЙН БАЙГУУЛЛАГЫН АЖИЛЛАГАА СЭДЭВТ СУРГАГЧ БАГШ БЭЛТГЭХ СУРГАЛТ ЗОХИОН БАЙГУУЛАГДАЖ БАЙНА

Олон нийтийн аюулгүй байдлыг хангах, онцгой нөхцөл байдал үүссэн үед цагдаагийн байгууллагын гүйцэтгэх үүрэг, зохион байгуулалт, арга тактикийн чиглэлээр сургагч багш бэлтгэх сургалтыг Нийтийн хэв журам хамгаалах, олон нийтийн аюулгүй байдлыг хангах албанаас энэ оны 03 дугаар сарын 28-ны өдрөөс 04 дүгээр сарын 01-ний өдрүүдэд зохион байгуулж байна.

Сургалтаар "Гамшгийн талаарх ерөнхий ойлголт, төрөл хэлбэр, бэлэн байдал", "Гамшгаас хамгаалах улсын алба, хэв журам сахиулах улсын албаны үүрэг, зохион байгуулалт", "Гэмтэж бэртсэн хүнд эмнэлгийн анхан шатны тусламж үзүүлэх", "Гамшгаас хамгаалах төлөвлөлт, гамшиг ослын үеийн зураглал үйлдэх", "Гал түймэр, осол болсон үед ажиллах арга, тактик" зэрэг сэдвүүдээр тухайн чиглэлээр мэргэшсэн багш нар удирдан явуулж байна.

АНГЛИ ХЭЛНИЙ ДУНД-ГҮНЗГИЙ ШАТНЫ СУРГАЛТ АМЖИЛТТАЙ ЗОХИОН БАЙГУУЛАГДАЖ БАЙНА

Цагдаагийн ерөнхий газрын даргын 2021 оны тушаалаар батлагдсан “Цагдаа, дотоодын цэргийн алба хаагчдын мэдлэг, ур чадварыг дээшлүүлэх 2021 оны сургалтын нэгдсэн хөтөлбөр, төлөвлөгөө”-ний дагуу гадаад хэлний сургалтыг дээшлүүлэх зорилгоор “Абсолют” гадаад хэлний сургалтын төвтэй хамтран англи хэлний дунд болон гүнзгий шатны 1 сарын эрчимжүүлсэн сургалтыг энэ оны 3 дугаар сарын 10-ний өдрөөс эхлэн зохион байгуулж байна.

“ГЭР БҮЛЭЭ СОНСЪЕ” ӨДӨРЛӨГ ЗОХИОН БАЙГУУЛЛАА

Дорнод аймаг дахь цагдаагийн газраас Монгол Улсад орчин цагийн Дотоодын цэрэг үүсэж хөгжсөний 100 жилийн ойг угтсан ажлын хүрээнд удирдах болон алба хаагч, ажилтны гэр бүлийн гишүүдийн санал хүсэлтийг сонсож, тулгамдаж буй асуудлыг шийдвэрлэх зорилгоор “Гэр бүлээ сонсъё” өдөрлөгийг зохион байгууллаа. Энэхүү арга хэмжээнд цагдаа, дотоодын цэргийн алба хаагч, ажилтны гэр бүлийн  гишүүд оролцсон юм. Байгууллагын удирдлагаас гэр бүлийн гишүүдээс “Санал асуулга”-ыг бичгээр хүлээн авч, “Ил захидал” болон “Дорнод цагдаа” үйл ажиллагааны эмхэтгэл сэтгүүлийг гардуулан , алба хаагчдын бэлтгэсэн ая дууны мэндчилгээг хүргэлээ. Өдөрлөгийн төгсгөлд гэр бүлийн гишүүдийн дунд 21 азтан шалгаруулж, эрэгтэй, эмэгтэй холимог “Волейбол"-ийн тэмцээн зохион явуулж Дотоодын цэргийн тусгай салбар “Тэргүүн байр”, Мөрдөн байцаах тасаг ”Дэд байр” Замын цагдаагийн тасаг “Гутгаар байр”-нд тус тус шалгарч, Дурсгалын медаль, мөнгөн шагналаар шагнагдлаа.

“ХҮНД ГЭМТ ХЭРГИЙГ ИЛРҮҮЛЭХ ЧАДАМЖИЙГ САЙЖРУУЛАХ НЬ”  СЭДЭВТ  ХАМТАРСАН  ЗӨВЛӨГӨӨН ЗОХИОН БАЙГУУЛЛАА

Нийслэлийн  цагдаагийн  удирдах  газрын  Мөрдөн  шалгах  газрын  Хүнд  гэмт  хэрэгтэй  тэмцэх  хэлтсээс эрүүгийн мөрдөгч нарыг мөрдөн шалгах ажиллагаанд мэргэшүүлэх, хууль эрх зүйн мэдлэгийг дээшлүүлэх зорилгоор нийслэлийн  дүүрэг  дэх  цагдаагийн  газар, хэлтсийн  Эрүүгийн  цагдаагийн  тасгийн алба хаагчдыг хамруулан “Хүнд гэмт хэргийг илрүүлэх чадамжийг сайжруулах нь” сэдэвт зөвлөгөөн зохион байгууллаа.

Энэхүү зөвлөгөөн нь “Хүнд  гэмт хэргийг илрүүлэх,  эрэн  сурвалжлах ажиллагаа” сорилт тэмцээн  хэлбэрээр  зохион  байгуулагдаж  нийслэлийн  дүүрэг дэх  цагдаагийн хэлтсийн  Эрүүгийн  цагдаагийн  тасгийн  дарга нар   гэмт хэрэгтэй  тэмцэх, илрүүлэх чиглэлээр  эссэ  бичих, Эрүүгийн  цагдаагийн  тасгийн  алба хаагчид дээрэмдэх  гэмт хэргээс  урьдчилан сэргийлэх, нөлөөллийн  видео шторк бүтээх, “Хүнд  гэмт хэргийг илрүүлэх,  эрэн  сурвалжлах ажиллагаа” гэсэн  3 үе шаттайгаар амжилттай зохион байгуулагдлаа.