Монгол Улсын Хууль зүй, дотоод хэргийн яам, Оросын Холбооны Улсын Дотоод хэргийн яам хоорондын хамтын ажиллагааны хэлэлцээрийн хүрээнд 2022-2023 оны хичээлийн жилд Оросын Холбооны Улсын Дотоод хэргийн яамны харьяа академи, их, дээд сургуулийн боловсролын бакалаврын зэргийн сургалтад алба хаагч, иргэдийг 2022 оны 03 дугаар сарын 25-ны өдрөөс энэ оны 04 дүгээр сарын 15-ны өдрийг хүртэлх хугацаанд бүртгэнэ.

Бакалаврын сургалтад элсэхийг хүссэн иргэдэд тавигдах шаардлага

• Орос хэлний мэдлэгтэй байх;
• Магадлан итгэмжлэгдсэн их, дээд сургуулийн 1-2 дугаар дамжаанд “А”, “В” үнэлгээтэй суралцаж байгаа 25 хүртэлх насны суралцагч;
• Ерөнхий боловсролын сургуулийг “А”, “В” үнэлгээтэй суралцаж төгссөн, төгсч байгаа иргэн;
• Бие эрхтний болон нүүрний хэлбэр төрхийн илэрхий өөрчлөлт, гэмтэл согоггүй буюу бие бялдрын зөв хөгжилтэй байх;
• Биеийн ил харагдах хэсэгт сорви, шивээсгүй байх;
• Мэргэжлийн эмч нарын үзлэгээр орж төрийн албанд тэнцэх эсэх талаар дүгнэлт гаргуулсан байх;
• Сэтгэцийн эрүүл мэндийн үндэсний төвийн сэтгэцийн болон хар тамхи, мансууруулах бодисын шинжилгээнд хамрагдсан байх;
• Ял шийтгэгдэж байгаагүй;
• Биеийн өндөр эрэгтэй 170 см, эмэгтэй 166 см-ээс багагүй байх;
• 18-25 хүртэлх насны Монгол Улсын иргэн байна.

Бакалаврын сургалтад элсэхийг хүссэн алба хаагчдад тавигдах шаардлага

• Орос хэлний мэдлэгтэй байх;
• Эрүүл мэндийн үзлэгээр архаг өвчин, сэтгэцийн эмгэггүй байх;
• Албаны сахилга, ёс зүйн хувьд зөрчил, дутагдал гаргаж байгаагүй байх;
• Цагдаагийн байгууллагад 3-аас доошгүй жил “А”, “В” буюу түүнтэй тэнцэх үнэлгээтэй ажилласан байх;

Бүрдүүлэх материал:

• Иргэний үнэмлэх /нотариатаар баталгаажуулсан хуулбар/;
• Төрсний гэрчилгээ /нотариатаар баталгаажуулсан хуулбар/;
• Боловсролын гэрчилгээ, диплом /нотариатаар баталгаажуулсан хуулбар/;
• Одоо суралцаж буй иргэн, оюутан бол сургуулийн тодорхойлолт, сургалтын голч дүнгийн хуулбар;
• Иргэний ял шийтгэгдэж байсан эсэх талаар лавлагаа;
• Төрийн албан хаагчийн анкет;
• 4x6 хэмжээтэй цээж зураг 4 хувь;

Бүртгэл

• Сонгон шалгаруулалтын бүртгэлийн хураамж, эрүүл мэндийн үзлэгийн төлбөрийг сонгон шалгаруулалтад оролцогч тухай бүр зарласан хугацаанд хариуцаж, төлнө.
• Бакалаврын хөтөлбөрт суралцах хүсэлт гаргасан алба хаагч, иргэдээс Орос, Монгол хэл, бие бялдар, сэтгэл зүйн сорилын шалгалт, ярилцлага авна;
• Бакалаврын хөтөлбөрт бүртгүүлэх алба хаагч, иргэд 2022 оны 03 дугаар сарын 25-ны өдрөөс мөн оны 04 дүгээр сарын 15-ны өдрийн 17.00 цаг хүртэлх хугацаанд өөрийн харъяалах оршин суугаа нутаг дэвсгэрийн цагдаагийн газар, хэлтэст бүртгүүлнэ. /Лавлах утас: 7019-1044/