Цагдаагийн бэлтгэл хошууч, Монголын зохиолчдын эвлэлийн шагналт, сэтгүүлч, яруу найрагч Жамбалын Алтангэрэлийн  “Цагдаа хүний хүүхдүүд” тоглолт  Сүлд чуулгын их танхимд болсон юм.

Энэхүү тоглолтод Цагдаагийн ерөнхий газрын “Сүлд” чуулга, Хилийн цэргийн дуу бүжгийн чуулга, Хүүхэлдэйн театрын жүжигчид, цагдаагийн алба хаагчдын гэр бүл үр хүүхдүүдийн төлөөлөл оролцож, төр иргэн, цагдаагийн сэдэвтэй шүлэг дууны уран бүтээлийг үзэгчиддээ өргөн барив.

Сэтгүүлч, яруу найрагч цагдаагийн бэлтгэл хошууч Ж.Алтангэрэл цагдаагийн байгууллагад эргүүлийн цагдаагаас эхлээд хэсгийн байцаагч, рот сумангийн захирагч дарга, “Нүгэл буян” сонины сурвалжлагч, боловсон хүчний ахлах байцаагч зэрэг ажил албыг хашиж, цагдаагийн алба хаагчдын ажил амьдралыг харуулсан олон уран бүтээл туурвисан юм.